வணிகம்

GOLD PRICE TODAY : சற்று குறைந்த தங்கம் விலை- இன்றைய நிலவரம்

வெள்ளி விலையில் மாற்றமில்லை.ஒரு கிராம் வெள்ளி ரூ.111-க்கும், பார் வெள்ளி ரூ.1 லட்சத்து 11 ஆயிரத்துக்கும் விற்பனை செய்யப்படுகிறது.

மாலை மலர்

Published:7th May, 2025 at 9:50 AM

சென்னை:

தங்கம் விலை விறுவிறுவென உயர்ந்து வந்து, கடந்த மாதம் 22-ந்தேதி ஒரு சவரன் ரூ.74 ஆயிரத்து 320-க்கு விற்பனை ஆனது. இதுவரை இல்லாத உச்சமாக இந்த விலை பார்க்கப்பட்டது. அதன் பின்னர் விலை ஏறுவதும், இறங்குவதுமான நிலையிலேயே நீடித்தது.

அதனைத்தொடர்ந்து இந்த மாதத்தொடக்கத்தில் இருந்து தங்கம் விலை மளமளவென குறைந்து வந்தது. எந்த அளவுக்கு ஏற்றம் கண்டதோ, அதேபோல் சரியத் தொடங்கியது இல்லத்தரசிகளுக்கு சற்று மகிழ்ச்சியை கொடுத்தது.

அந்த மகிழ்ச்சிக்கு முற்றுப்புள்ளி வைத்தாற்போல், நேற்று மீண்டும் அதிரடியாக தங்கம் விலை உயர்ந்து காணப்பட்டது.

இதற்கிடையே நேற்று முன்தினம் ஒரு கிராம் ரூ.8 ஆயிரத்து 755-க்கும், ஒரு சவரன் ரூ.70 ஆயிரத்து 40-க்கும், விற்பனை ஆனது. நேற்று காலை நேர நிலவரப்படி, கிராமுக்கு ரூ.250-ம், சவரனுக்கு ரூ.2 ஆயிரமும் உயர்ந்தது. அதையடுத்து நேற்று மாலையிலும் விலை மாற்றம் இருந்தது. அப்போது கிராமுக்கு ரூ.75-ம், சவரனுக்கு ரூ.600-ம் அதிகரித்தது.

இப்படியாக நேற்று ஒரே நாளில் மட்டும் கிராமுக்கு ரூ.325-ம், சவரனுக்கு ரூ.2 ஆயிரத்து 600-ம் உயர்ந்து, ஒரு கிராம் ரூ.9 ஆயிரத்து 100-க்கும், ஒரு சவரன் ரூ.72 ஆயிரத்து 800-க்கும் விற்பனை செய்யப்பட்டது. போர் பதற்றம், போர்க்கால ஒத்திகை குறித்த அறிவிப்பு போன்றவற்றால், தங்கம் விலையில் நேற்று அதிரடி மாற்றம் காணப்பட்டதாக வியாபாரிகள் தெரிவித்தனர்.