

பொன்னேரி:
மீஞ்சூர் அத்திபட்டைச் சேர்ந்தவர் டேனியல். மின்வாரிய ஊழியர்.
இவர் நேற்று குடும்பத்துடன் வீட்டில் தூங்கினார். அப்போது மர்ம நபர்கள் வீட்டின் பின்பக்க கதவு பூட்டை உடைத்து உள்ளே நுழைந்து பீரோவை உடைத்து அதில் இருந்த 1 பவுன் நகை, ரூ. 10 ஆயிரம் மற்றும் 2 செல்போன்களை கொள்ளையடித்து சென்றனர்.
டேனியலின் பக்கத்து வீட்டை சேர்ந்தவர் உத்தமன். இவர் வீட்டை பூட்டி விட்டு குடும்பத்துடன் வெளியே சென்றார். இவரது வீட்டு பூட்டை உடைத்து மர்ம நபர்கள் உள்ளே சென்று ரூ.15 ஆயிரத்தை கொள்ளையடித்து சென்றனர்.
மீஞ்சூர் செந்தில் நகரைச் சேர்ந்தவர் முருகன். இவர் வீட்டை பூட்டி விட்டு குடும்பத்துடன் உறவினரை பார்க்க சென்றார். இதை அறிந்த மர்ம நபர்கள் வீட்டு பூட்டை உடைத்து உள்ளே நுழைந்து பீரோவை உடைத்து அதில் இருந்த 3 பவுன் நகையை கொள்ளையடித்து சென்றனர்.
இந்த 3 கொள்ளை குறித்து மீஞ்சூர் போலீசார் வழக்குப்பதிவு செய்து விசாரித்து வருகிறார்கள்.