கின்னஸ் சாதனை படைத்த சியோமி இந்தியா

சியோமி இந்தியா நிறுவனம் உலகின் மிகப்பெரிய மின்விளக்கு மோசேக் லோகோ கட்டமைத்து கின்னஸ் சாதனை படைத்துள்ளது.

சியோமியின் Mi லோகோ 9,690 மின்விளக்குகளால் உருவாக்கப்பட்டுள்ளது. சியோமி இந்தியாவின் விளபம்ர பரிவினரின் சிறப்பு திட்டத்தின் கீழ் இந்த மின்விளக்கு மோசேக் லோகோ செய்யப்பட்டுள்ளது. இந்தியாவில் Mi பிரான்டை மேலும் பிரபலப்படுத்தும் விதமாக இந்த முயற்சி எடுக்கப்பட்டுள்ளது.

இந்தியாவில் சியோமி பிரான்டு பிரபலமாக முக்கிய காரணமாக இருக்கும் சியோமி இந்தியா ஊழியர்கள் மற்றும் Mi பிரியர்களுக்கு நன்றி தெரிவிக்கும் வகையில் பிரம்மாண்ட சின்னமாக இந்த லோகோ வடிவமைக்கப்பட்டுள்ளது. மேலும் விளம்பர துறையில் சியோமியின் தனித்துவத்தை வெளிப்படுத்தும் வகையில் இது அமைந்துள்ளது.

புதிய உலக சாதனையுடன் Mi ஹோம் எக்ஸ்பீரியன்ஸ் ஸ்டோர் ஒன்றை பெங்களூருவில் புதிதாக திறந்துள்ளது. இந்த விற்பனை மையம் சியோமி தலைமையக கட்டிடத்தின் தரைதளத்தில் அமைந்துள்ளது.