சாம்சங் நிறுவனம் கேலக்ஸி இசட் மடிக்கக்கூடிய ஸ்மார்ட்போனினை கடந்த வாரம் அறிமுகம் செய்த நிலையில், தற்சமயம் கேலக்ஸி ஃபோல்டு 2 ஸ்மார்ட்போனினை ஜூலை மாதத்தில் அறிமுகம் செய்ய இருப்பதாக தகவல் வெளியாகியுள்ளது.
தற்சமயம் வெளியாகி இருக்கும் தகவல்களின் படி கேலக்ஸி ஃபோல்டு 2 ஸ்மார்ட்போன் சேம்ப் எனும் குறியீட்டு பெயரில் உருவாகி வருவதாக கூறப்படுகிறது. இந்த ஸ்மார்ட்போன் இந்த ஆண்டின் அரையாண்டு காலக்கட்டத்தில் அறிமுகம் செய்யப்படும் என கூறப்படுகிறது.
சிறப்பம்சங்களை பொருத்தவரை கேலக்ஸி ஃபோல்டு 2 ஸ்மார்ட்போன் திறக்கப்பட்ட நிலையில் 7.7 இன்ச் டிஸ்ப்ளே கொண்டிருக்கும் என கூறப்படுறது. மேலும் இதன் விலை இசட் ஃபிளிப் மற்றும் 2020 மோட்டோ ரேசர் மாடல்களை விட சற்றே அதிகமாக நிர்ணயம் செய்யப்படும் என கூறப்படுகிறது.