ஹெச்.எம்.டி. குளோபல் நிறுவனம் இந்தியாவில் நோக்கியா 8.1 ஸ்மார்ட்போனினை கடந்த ஆண்டு டிசம்பர் மாதத்தில் அறிமுகம் செய்தது. முதற்கட்டமாக 4 ஜி.பி. ரேம், 64 ஜி.பி. மெமரி மாடலும் பின் ஒரு மாதம் கழித்து 6 ஜி.பி. ரேம், 128 ஜி.பி. மெமரி மாடலும் அறிமுகம் செய்யப்பட்டது.
இந்தியாவில் அறிமுகமான நான்கு மாதங்களில் நோக்கியா 8.1 ஸ்மார்ட்போனின் விலை ரூ.7000 வரை குறைக்கப்பட்டது. விலை குறைப்புக்கு பின் நோக்கியா 8.1 ஸ்மார்ட்போன் 4 ஜி.பி. ரேம், 64 ஜி.பி. மெமரி மாடல் ரூ.19,999 விலையிலும், 6 ஜி.பி. ரேம், 128 ஜி.பி. மெமரி மாடல் ரூ.22,999 விலையிலும் விற்பனை செய்யப்படுகிறது.
நோக்கியா 8.1 ஸ்மார்ட்போனின் குறைக்கப்பட்ட புதிய விலை ஏற்கனவே அந்நிறுவன வலைதளத்தில் மாற்றப்பட்டுள்ளது. இதுதவிர ஆஃப்லைன் விற்பனை மையங்களிலும் புதிய விலையில் நோக்கியா 8.1 கிடைக்கும்.
நோக்கியா 8.1 சிறப்பம்சங்கள்:
- 6.0 இன்ச் 2246x1080 ஃபுல் ஹெச்டி பிளஸ் ப்யூர் டிஸ்ப்ளே
- கார்னிங் கொரில்லா கிளாஸ் 3
- ஆக்டாகோர் ஸ்னாப்டிராகன் 710 10 என்.எம். சிப்செட்
- அட்ரினோ 616 GPU
- 4 ஜிபி ரேம், 64 ஜி.பி. மெமரி
- 6 ஜி.பி. ரேம், 128 ஜிபி மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 9.0 பை
- ஹைப்ரிட் டூயல் சிம் ஸ்லாட்
- 12 எம்பி பிரைமரி கேமரா, டூயல்-டோன் எல்.இ.டி. ஃபிளாஷ், சோனி IMX363 சென்சார், f/1.8, 1.4μm பிக்சல், OIS
- 13 எம்பி இரண்டாவது பிரைமரி, ZEISS ஆப்டிக்ஸ்
- 20 எம்பி செல்ஃபி கேமரா
- கைரேகை சென்சார்
- டூயல் 4ஜி வோல்ட்இ, வைபை, ப்ளூடூத்
- 3500 எம்ஏஹெச் பேட்டரி
- ஃபாஸ்ட் சார்ஜிங்
இந்தியாவில் நோக்கியா 8.1 ஸ்மார்ட்போன் பிளாக்/சில்வர், ஐயன்/ஸ்டீல் என இருவித நிறங்களில் கிடைக்கிறது.