இன்ஃபினிக்ஸ் நிறுவனம் எக்ஸ்பேண்ட் 3 ஃபிட்னஸ் டிராக்கரை இந்தியாவில் அறிமுகம் செய்துள்ளது. இதில் 0.96 இன்ச் கலர் ஸ்கிரீன் வழங்கப்பட்டுள்ளது. இது வெவ்வேறு அம்சங்களை இயக்க உதவும் ஐான்களை டிஸ்ப்ளே செய்யும்.
புதிய ஃபிட்னஸ் டிராக்கர் கொண்டு இதய துடிப்பு, ரத்த அழுத்தம் உள்ளிட்டவற்றை கண்காணிக்க முடியும் என இன்ஃபினிக்ஸ் அறிவித்துள்ளது. புதிய ஃபிட்னஸ் டிராக்கர் IP67 தரச்சான்று பெற்ற வாட்டர் ரெசிஸ்டண்ட் வசதி கொண்டிருக்கிறது. இதன் ஸ்டிராப் டி.பி.யு. மூலம் உருவாக்கப்பட்டுள்ளது. இது கைகளில் சவுகரிய அனுபவத்தை வழங்கும்.
இன்ஃபினிக்ஸ் எக்ஸ்பேண்ட் 3 சாதனத்தை ஆண்ட்ராய்டு 4.4 மற்றும் ஐ.ஓ.எஸ். 9.0 மற்றும் அதன் பின் வெளியான இயங்குதளம் கொண்ட சாதனங்களில் பயன்படுத்த முடியும்.
இன்ஃபினி்க்ஸ் எக்ஸ்பேண்ட் 3 சிறப்பம்சங்கள்:
- 0.96 இன்ச் 160x80 பிக்சல் TFT-LCD ஸ்கிரீன்
- ப்ளூடூத் 4.1
- நடை, உறக்கம், கலோரி அளவு உள்ளிட்டவற்றை டிராக் செய்யும் வசதி
- டிஸ்ப்ளேவில் நேரம், தேதி, அலாரம், வானிலை விவரங்கள்
- ஸ்மார்ட்போன் நோட்டிஃபிகேஷன், ரிமைன்டர், மியூசிக் கண்ட்ரோல் வசதி
- ஷட்டர் அம்சம் ஸ்மார்ட்போன் கேமராவை இயக்கும்
- PPG இதய துடிப்பு மற்றும் ரத்த அழுத்த சென்சார்
- 3-ஆக்சிஸ் அக்செல்லோமீட்டர்
- உயற்பயிற்சி, உறக்கம் உள்ளிட்டவற்றை டிராக் செய்யும் வசதி
- வாட்டர் ரெசிஸ்டண்ட் (IP67)
- 90 எம்.ஏ.ஹெச். பேட்டரி
இன்ஃபினிக்ஸ் எக்ஸ்பேண்ட் 3 சாதனம் பிளாக் நிறத்தில் கிடைக்கிறது. இதன் விலை ரூ.1,599 என நிர்ணயம் செய்யப்பட்டுள்ளது. இதன் விற்பனை ப்ளிப்கார்ட் தளத்தில் நடைபெறுகிறது.