சார்லஸ்டன் ஓபன் டென்னிஸ் தொடர் அமெரிக்காவில் நடைபெற்று வருகிறது.
இந்தத் தொடரில் நேற்று நடைபெற்ற பெண்கள் ஒற்றையர் பிரிவின் காலிறுதி சுற்று போட்டியில் அமெரிக்காவின் மேடிசன் கீஸ், சுவிட்சர்லாந்தின் பெலிண்டா பென்கிக் உடன் மோதினார்.
இதில் சிறப்பாக ஆடிய மேடிசன் கீஸ் 4-6, 6-3, 6-2 என்ற செட் கணக்கில் வென்று அரையிறுதி சுற்றுக்கு முன்னேறினார்.
மற்றொரு போட்டியில் அமெரிக்காவின் ஜெசிகா பெகுலா 3-6, 6-3, 6-2 என்ற செட் கணக்கில் ரஷிய வீராங்கனை டயானா ஷ்னைடரை வென்று அரையிறுதி சுற்றுக்கு முன்னேறினார்.
