ஐரோப்பிய சாம்பியன்ஷிப் - காயத்திலிருந்து மீண்ட கரோலினா மரின் பட்டம் வென்றார்

மேட்ரிட்:

ஸ்பெயினின் மேட்ரிட் நகரில் ஐரோப்பிய சாம்பியன்ஷிப் போட்டி நடைபெற்றது. இதில் பெண்கள் ஒற்றையர் பிரிவுக்கான இறுதிப்போட்டியில் ஸ்பெயின் வீராங்கனை கரோலினா மரின், ஸ்காட்லாந்தின் கிர்ஸ்டி கில்மோரை சந்தித்தார்.

இதில் கரோலினா மரின் 21-10, 21-12 என்ற நேர் செட்களில் எளிதில் வெற்றி பெற்று சாம்பியன் பட்டம் வென்றார். இந்தப் போட்டி 41 நிமிடத்தில் இவர் வெற்றியை தன் வசமாக்கினார்.

கரோலினா மரின் தொடர்ந்து 6வது முறையாக ஐரோப்பிய சாம்பியன் பட்டம் வென்றுள்ளார் என்பது குறிப்பிடத்தக்கது.