தாய்லாந்து ஓபன் பேட்மிண்டன்: மாளவிகா பன்சோத், தேவிகா சிஹாக் முதல் சுற்றில் வெற்றி

தாய்லாந்து ஓபன் பேட்மிண்டன் தொடர் பாங்காங்கில் நடந்து வருகிறது.

பெண்கள் ஒற்றையர் பிரிவில் இந்தியாவின் மாளவிகா பன்சோத், கனடாவின் வென் யூ ஜாங் உடன் மோதினார்.

இதில் முதல் செட்டை 13-21 என இழந்த மாளவிகா பன்சோத் சிறப்பாக ஆடி அடுத்த இரு செட்களை 26-24, 21-13 என வென்று அடுத்த சுற்றுக்கு முன்னேறினார்.

மற்றொரு போட்டியில் இந்தியாவின் தேவிகா சிஹாக் 21-19, 13-21, 21-15 என்ற செட் கணக்கில் ஜப்பானின் நட்சுகி நிடைராவை வீழ்த்தி அடுத்த சுற்றுக்கு முன்னேறினார்.