முதல் ஸ்டேஜில் நெதர்லாந்திடம் தோல்வியடைந்த நிலையில், அதன்பிறகு இங்கிலாந்து மற்றும் அர்ஜென்டினாவிடம் தோல்வியடைந்து இந்தியா ஏமாற்றம் அடைந்தது.
ஹாக்கி உலக கோப்பை நெதர்லாந்து மற்றும் பெல்ஜியத்தில் நடைபெற்று வருகிறது. ஸ்டேஜ் 2 சுற்றில் இந்தியா தனது கடைசி போட்டியில் அர்ஜென்டினாவை எதிர்கொண்டது. இதில் இந்தியா 3-5 எனத் தோல்வியடைந்தது. இதன் மூலம் அரையிறுதி வாய்ப்பை இழந்தது.
ஆட்டம் தொடங்கிய முதல் நிமிடத்திலேயே இந்தியாவுக்கு அதர்ச்சி காத்திருந்தது. அர்ஜென்டினா வீரர் ஜோக்யின் தோஸ்கானி 41-வது விநாடிகளில் கோல் அடித்தார். அதன்பின் 5.53 நிமிடத்தில் நிக்கோலஸ் டெல்லா டொர்ரே கோல் அடித்தார். இந்தியாவைச் சேர்ந்த 9.12-வது நிமிடத்தில் சுக்ஜீத் சிங் முதல் கோலை பதிவு செய்தார். இதனால் முதல் காலிறுதி ஆட்டத்தில் இந்தியா 1-2 என பின்தங்கிய நிலையில் இருந்தார்.
2-வது காலிறுதி ஆட்டத்தில் இரு அணி வீரர்களும் கோல் அடிக்கவில்லை. 3-வது காலிறுதி ஆட்டத்தில் அர்ஜென்டினா ஆதிக்கம் செலுத்தியது. 32.20 நிமிடத்தில் தாமஸ் டோமென் கோல் அடித்தார். 44.40 நிமிடத்தில் தாமஸ் டோமென் மீண்டும் கோல் அடித்தார். இதனால் 3-வது காலிறுதியில் அர்ஜென்டினா 4-1 என முன்னிலைப் பெற்றது.
கடைசி காலிறுதி ஆட்டத்தில் 52.14-வது நிமிடத்தில் லூகாஸ் டோஸ்கானி கோல் அடித்தார். 57.50-வது நிமிடத்தில் சுக்ஜீத் சிங் மீண்டும் ஒரு கோல் அடிதத்தார். 59.25 நிமிடத்தில் இந்தியாவின் ஹர்திக் சிங் கோல் அடித்தார். இதனால் இந்தியா 3-5 எனத் தோல்வியடைந்தது.
