தேசிய செஸ் போட்டிக்கு தகுதிபெற்று ஆல்பா பள்ளி மாணவி சாதனை

புதுச்சேரி:

மாநில அளவிலான செஸ் போட்டி புதுச்சேரியில் நடந்தது. இதில் சப்-ஜூனியர் பெண்கள் பிரிவில் புதுச்சேரி, காரைக்கால், மாகி, ஏனாம் ஆகிய பகுதிகளை சேர்ந்த 50-க்கும் மேற்பட்ட பள்ளி மாணவ-மாணவிகள் கலந்துகொண்டனர்.

இந்த போட்டியில் புதுச்சேரி ஆல்பா மெட்ரிக் மேல்நிலைப் பள்ளி 7-ம் வகுப்பு மாணவி ஹன்சிகா வெள்ளிப்ப தக்கம் பெற்று சாதனை படைத்துள்ளார். மேலும் ஆந்திராவில் நடைபெற உள்ள 36-வது தேசிய செஸ் போட்டி, டெல்லியில் 67-வது மாநில அளவில் நடைபெறும் போட்டியில் சப்-ஜூனியர் பிரிவில் பங்கேற்க தகுதி பெற்றுள்ளார்.

மாநில அளவில் வெற்றி பெற்று சாதனை படைத்த மாணவி ஹன்சிகாவுக்கு ஆல்பா கல்வி குழுமங்களின் இயக்குனர் தனதியாகு பொன்னாடை அணிவித்தும், பூங்கொத்து வழங்கியும் பாராட்டினார். இந்த நிகழ்ச்சியின்போது மாணவியின் பெற்றோர் உடனிருந்தனர்.