லண்டனில் உள்ள தூதரகம் சார்பில் இந்திய கிரிக்கெட் வீரர்களுக்கு விருந்து

இங்கிலாந்து நாட்டில் சாம்பியன்ஸ் டிராபி கிரிக்கெட் தொடர் நடைபெற்று வருகிறது. இதில், இந்தியா, பாகிஸ்தான் உள்ளிட்ட 8 அணிகள் பங்கேற்றன. லீக் ஆட்டங்கள் முடிவுற்ற நிலையில், இந்தியா, வங்கதேசம், பாகிஸ்தான், இங்கிலாந்து ஆகிய 4 நாடுகள் அரையிறுதிக்கு முன்னேறியுள்ளன.

அரையிறுதிக்கு முன்னேறிய 4 அணிகளில் 3 அணிகள் ஆசியாவைச் சேர்ந்தது என்பது குறிப்பிடத்தக்கது. இந்நிலையில், லண்டனில் உள்ள இந்திய தூதரகம் சார்பில் இந்திய அணி வீரர்களுக்கு இரவு விருந்து அளிக்கப்பட்டது. இவ்விருந்தில் தூதரக அதிகாரிகள், அவர்களது குடும்பத்தினர், கிரிக்கெட் வாரிய நிர்வாகிகள் மற்றும் வீரர்கள் பங்கேற்றனர்.