கேளிக்கை வரி விதிப்புக்கு எதிர்ப்பு தெரிவித்து தமிழ் திரையுலகத்தை சேர்ந்த பலரும் தங்களுடைய பலத்த எதிர்ப்பை தெரிவித்து வருகின்றனர். இந்நிலையில், பாடலாசிரியர் மதன் கார்க்கி தன்னுடைய டுவிட்டர் பக்கத்தில் இதுகுறித்த பதிவு ஒன்றை பகிர்ந்துள்ளார்.
அவர் கூறும்போது, திரையரங்குகள் மூடியிருப்பதை பார்க்கும்போது மனது வலிக்கிறது. கேளிக்கை வரி திரும்ப பெறப்பட்டு மீண்டும் சரியான பாதையில் செல்லும் என நம்புகிறேன். வரி மறு சீரமைப்பு ஆகும் வரை பாடல்கள் மற்றும் வசனங்களுக்கு நான் வாங்கும் சம்பளத்தில் 15 சதவீதத்தை குறைத்துக் கொள்கிறேன். இது துறைக்கு உதவும் என நினைக்கிறேன் என்று தெரிவித்துள்ளார்.
