ஜெர்மன் நாட்டு ஆட்டோமொபைல் உற்பத்தியாளரான போக்ஸ்வேகன் புதிதாக டைகுன் என்ற எஸ்யுவி மாடலை அறிமுகம் செய்ய இருக்கிறது. புதிய டைகுன் எஸ்யுவி-க்கான டீசரை போக்ஸ்வேகன் வெளியிட்டு இருக்கிறது.
முன்னதாக இந்த மாடல் 2020 ஆட்டோ எக்ஸ்போ விழாவில் மற்ற எஸ்யுவி மாடல்களுடன் காட்சிக்கு வைக்கப்பட்டது. இந்த மாடல் 2021 ஆண்டில் அறிமுகமாகும் என போக்ஸ்வேகன் ஏற்கனவே அறவித்து இருந்தது.
புதிய டைகுன் மாடல் ஃபோக்ஸ்வேகன் நிறுவனத்தின் MQB A0 IN பிளாட்பார்மில் உருவாகி இருக்கிறது. இதன் முன்புறம் சதுரங்க வடிவம் கொண்ட ஹெட்லேம்ப்கள், செங்குத்தான கிரில், பம்ப்பரில் பாக் லேம்ப் மற்றும் ஸ்கிட் பிளேட் ஹவுசிங் செய்யப்பட்டு இருக்கிறது.
ஃபோக்ஸ்வேகன் டைகுன் கார் 1.5 லிட்டர் டிஎஸ்ஐ பெட்ரோல் என்ஜின் கொண்டிருக்கும் என தெரிகிறது. இந்த என்ஜின் 148 பிஹெச்பி பவர், 250 என்எம் டார்க் செயல்திறன் வழங்குகிறது. இத்துடன் 7 ஸ்பீடு டிஎஸ்ஜி கியர்பாக்ஸ் வழங்கப்படலாம்.