இந்திய ஆட்டோமொபைல் உற்பத்தியாளரான மஹிந்திரா தனது புதிய எக்ஸ்.யு.வி.700 மாடல் முன்பதிவில் புது மைல்கல் எட்டியதாக அறிவித்தது. இந்தியாவில் அறிமுகமான ஒரே மாதத்தில் புதிய எக்ஸ்.யு.வி.700 மாடல் முன்பதிவில் 70 ஆயிரத்திற்கும் அதிக யூனிட்களை கடந்துள்ளது.
முன்னதாக மஹிந்திரா எக்ஸ்.யு.வி.700 மாடலின் முதல் யூனிட் பாராலிம்பிக் போட்டியில் தங்கப்பதக்கம் வென்ற சுனில் அன்டிலுக்கு வினியோகம் செய்யப்பட்டது. தற்போது மஹிந்திரா நிறுவனம் எக்ஸ்.யு.வி.700 பெட்ரோல் வேரியண்ட்களை மட்டும் வினியோகம் செய்து வருகிறது. இம்மாத இறுதியில் டீசல் வேரியண்ட்களின் வினியோகம் துவங்குகிறது.
மஹிந்திரா நிறுவனம் அடுத்த ஆண்டு ஜனவரி 14 ஆம் தேதிக்குள் நாடு முழுக்க 14 ஆயிரம் எக்ஸ்.யு.வி.700 யூனிட்களை வினியோகம் செய்ய இலக்கு நிர்ணயித்து இருப்பதாக அறிவித்துள்ளது. இந்தியாவில் புதிய மஹிந்திரா எக்ஸ்.யு.வி.700 நான்கு வேரியண்ட்கள், இரண்டு என்ஜின் ஆப்ஷன்களில் கிடைக்கிறது.