ஹூண்டாய் நிறுவனம் தனது ஆரா காம்பேக்ட் செடான் மாடல் விலையை திடீரென உயர்த்தி இருக்கிறது. விலை உயர்வு இ வேரியண்ட் தவிர அனைத்து மாடல்களுக்கும் பொருந்தும். ஆரா மாடல் விலை முன்பை விட ரூ. 4240 உயர்த்தப்பட்டு இருக்கிறது.
ஆரா மாடல் புதிய விலை ரூ. 5.92 லட்சத்தில் துவங்கி அதிகபட்சம் ரூ. 9.34 லட்சம் வரை மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. முன்னதாக இணையத்தில் வெளியான தகவல்களின் படி ஹூண்டாய் ஆரா மாடலில் காஸ்மெடிக் மாற்றங்கள் செய்யப்பட இருப்பது தெரியவந்துள்ளது.
அதன்படி இ வேரியண்ட் தவிர அனைத்து மாடல்களிலும் பின்புற ஸ்பாயிலர் வழங்கப்படுகிறது. இந்திய சந்தையில் ஹூண்டாய் ஆரா மாடல் ஐந்து வேரியண்ட்களில் கிடைக்கிறது. இது 1.2 லிட்டர் பெட்ரோல், 1.2 லிட்டர் டீசல் என்ஜின் ஆப்ஷன்களில் கிடைக்கிறது.
இரு என்ஜின்களும் 5 ஸ்பீடு மேனுவல் மற்றும் 5 ஸ்பீடு ஏஎம்டி யூனிட் ஆப்ஷன்களில் வழங்கப்படுகிறது. ஹூண்டாய் ஆரா எஸ் வேரியண்ட் மட்டும் பெட்ரோல் மற்றும் சிஎன்ஜி வசதியுடன் வழங்கப்படுகிறது. இந்தியாவில் ஹூண்டாய் ஆறா மாடல் மாருதி சுசுகி டிசையர், போர்டு ஆஸ்பயர், டாடா டிகோர் மற்றும் ஹோண்டா அமேஸ் மாடல்களுக்கு போட்டியாக அமைகிறது.