அப்ரிலியாவின் புது பிரீமியம் ஸ்கூட்டர் எஸ்எக்ஸ்ஆர் 160 பெயரில் சமீபத்தில் அறிமுகம் செய்யப்பட்டது. புதிய மேக்சி ஸ்கூட்டர் விலை இந்தியாவில் ரூ. 1.26 லட்சம், எக்ஸ்-ஷோரூம் என நிர்ணயம் செய்யப்பட்டு இருக்கிறது.
அறிமுகமாகி முன்பதிவு செய்யப்பட்டு வந்த நிலையில், அப்ரிலியா எஸ்எக்ஸ்ஆர் 160 வினியோகம் இந்தியாவில் துவங்கி இருக்கிறது. இதனை உறுதிப்படுத்தும் வகையில் தனியார் விற்பனை மையம் புது ஸ்கூட்டர் வினியோகத்தின் போது எடுக்கப்பட்ட படங்களை வெளியிட்டு இருக்கிறது.
புதிய அப்ரிலியா எஸ்எக்ஸ்ஆர் 160 மாடலில் ஏர்-கூல்டு சிங்கில் சிலிண்டர் பியூவல் இன்ஜெக்ட் செய்யப்பட்ட 160 சிசி என்ஜின் வழங்கப்பட்டு இருக்கிறது. இந்த என்ஜின் 10.8 பிஹெச்பி பவர் மற்றும் 11.6 என்எம் டார்க் செயல்திறன் வழங்குகிறது.