எம்ஜி மோட்டார் நிறுவனம் தனது ஹெக்டார் எஸ்யுவி மாடலின் பேஸ்லிப்ட் வெர்ஷனை விரைவில் இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. இதன் தொடர்ச்சியாக பேஸ்லிப்ட் ஹெக்டார் மாடல் ஸ்பை படங்கள் பலமுறை வெளியாகி இருக்கின்றன.
இந்நிலையில், தற்சமயம் வெளியாகி இருக்கும் தகவல்களின் படி எம்ஜி ஹெக்டார் பேஸ்லிப்ட் எஸ்யுவி மாடல் 2021 ஆண்டு துவக்கத்தில் அறிமுகம் செய்யப்படலாம் என கூறப்படுகிறது. புதிய ஹெக்டார் பேஸ்லிப்ட் மாடல் வெளிப்புறம் மற்றும் உள்புறங்களில் அதிக மாற்றங்கள் செய்யப்படலாம் என எதிர்பார்க்கப்படுகிறது.
எனினும், ஹெக்டார் பேஸ்லிப்ட் மாடல் என்ஜின் அம்சங்களில் எந்த மாற்றமும் மேற்கொள்ளப்படாது என கூறப்படுகிறது. இந்திய சந்தையில் எம்ஜி மோட்டார் நிறுவனத்தின் முதல் வாகனமாக ஹெக்டார் எஸ்யுவி 2019 ஆண்டு வாக்கில் அறிமுகம் செய்யப்பட்டது.
அறிமுகமானது முதல் ஹெக்டார் மாடல் அதிக பிரபலமான எஸ்யுவி ஆக இருந்து வருகிறது. மேலும் அந்நிறுவனத்தின் அதிகம் விற்பனையாகும் மாடலாகவும் எம்ஜி ஹெக்டார் இருந்து வருகிறது.