ரெனால்ட் நிறுவனம் தனது டிரைபர் மாடல் காரை கடந்த ஆண்டு ஆகஸ்ட் மாதம் அறிமுகம் செய்தது. அறிமுகமானது முதல் டிரைபர் மாடலின் விலை பலமுறை மாற்றப்பட்டு விட்டது.
அந்த வரிசையில், ரெனால்ட் டிரைபர் மாடலின் விலை நான்காவது முறையாக உயர்த்தப்பட்டு உள்ளது. முந்தைய விலை உயர்வின் போது, பேஸ் வேரியண்ட்டின் விலை உயர்த்தப்படாமல் இருந்தது. எனினும், இந்த முறை அனைத்து வேரியண்ட்களின் விலையும் உயர்த்தப்பட்டு உள்ளது.
தற்சமயம் ரெனால்ட் டிரைபர் மாடலின் விலை ரூ. 11,500 முதல் ரூ. 13 ஆயிரம் வரை உயர்த்தப்பட்டுள்ளது. கடந்த ஆண்டு அறிமுகமானது முதல் டிரைபர் மாடல் சுமார் 40 ஆயிரத்திற்கும் அதிக யூனிட்கள் விற்பனையாகி உள்ளது.
விலை உயர்வின் படி ரெனால்ட் டிரைபர் மாடல் பேஸ் வேரியண்ட் விலை ரூ. 5.12 லட்சத்தில் துவங்குகிறது. இதன் டாப் எண்ட் மாடல் விலை ரூ. 7.34 லட்சம் என மாறி உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
