நிசான் நிறுவனம் தனது கிக்ஸ் பிளாக்ஷிப் எஸ்யுவி மாடலுக்கு ரூ. 80 ஆயிரம் வரையிலான சலுகை மற்றும் பலன்களை வழங்குகிறது. நிசான் கிக்ஸ் வேரியண்டிற்கு ஏற்ப சலுகை பலன்கள் வேறுபடும் என அறிவிக்கப்பட்டு உள்ளது.
அதன்படி ரூ. 50 ஆயிரம் வரையிலான எக்சேன்ஜ் சலுகை, ரூ. 20 ஆயிரம் கேஷ் போனஸ், ரூ. 10 ஆயிரம் கூடுதல் தள்ளுபடி வாடிக்கையாளர் சிபில் ஸ்கோர் பொருத்து வழங்கப்படுகிறது. இந்த சலுகைகள் ஏப்ரல் 1 முதல் ஏப்ரல் 30 வரை வழங்கப்படுகிறது.
இந்திய சந்தையில் நிசான் கிக்ஸ் மாடல் - XL, XV, XV பிரீமியம் மற்றும் XV பிரீமியம் ஒ என நான்கு வேரியண்ட்களில் கிடைக்கிறது. இதன் விலை ரூ. 9.49 லட்சம் என துவங்கி டாப் எண்ட் மாடல் விலை ரூ. 14.64 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.