டாடா மோட்டார்ஸ் நிறுவனம் புதிய சியரா இ.வி. கான்செப்ட் காரை ஆட்டோ எக்ஸ்போ 2020 விழாவில் அறிமுகம் செய்துள்ளது. புதிய காரை டாடா நிறுவனம் ஐ.சி.இ. மற்றும் எலெக்ட்ரிக் என இரண்டு வேரியண்ட்களில் அறிமுகம் செய்யலாம் என எதிர்பார்க்கப்படுகிறது.
புதிய சியரா மாடல் டாடா நெக்சான் மற்றும் ஹேரியர் மாடல்களுக்கு மத்தியில் நிலைநிறுத்தப்படும் என கூறப்படுகிறது. ஐ.சி.இ. வேரியண்ட்டில் 1.2 லிட்டர் டர்போசார்ஜ் செய்யப்பட்ட பெட்ரோல் மற்றும் 1.5 லிட்டர் டர்போசார்ஜ் செய்யப்பட்ட டீசல் என்ஜின்கள் வழங்கப்படலாம் என எதிர்பார்க்கப்படுகிறது.
இதன் எலெக்ட்ரிக் வேரியண்ட் டாடா அல்ட்ரோஸ் இ.வி. மாடலில் உள்ள மோட்டாரை பயன்படுத்தலாம். இந்த கார் 4.2 மீட்டர் நீளமும், 1.8 மீட்டர் அகலம் 1.7 மீட்டர் உயரம் மற்றும் 2.5 மீட்டர் வீல்பேஸ் கொண்டிருக்கும் என தெரிகிறது.