டாடா மோட்டார்ஸ் நிறுவனம் டியாகோ சி.என்.ஜி. மாடலுக்கான டீசரை வெளியிட்டுள்ளது. முன்னதாக டியாகோ சி.என்.ஜி. மற்றும் டிகோர் சி.என்.ஜி. மாடல்களின் சோதனை கடந்த சில மாதங்களாக நடைபெற்று வந்தது. தற்போது ஹூண்டாய் மற்றும் மாருதி சுசுகி நிறுவனங்கள் சி.என்.ஜி. வாகனங்களை விற்பனை செய்து வருகின்றன.
இந்தியாவில் பெட்ரோல் மற்றும் டீசல் விலை உயர்வு காரணமாக மாற்று எரிபொருள் கொண்டு இயங்கும் மாடல்களின் விற்பனை கணிசமாக அதிகரித்து இருக்கிறது. இதன் காரணமாக மாருதி சுசுகி மற்றும் ஹூண்டாய் நிறுவனங்கள் சி.என்.ஜி. கிட் கொண்ட மாடல்களை அறிமுகம் செய்ய துவங்கின. அந்த வரிசையில் தற்போது டாடா மோட்டார்ஸ் நிறுவனமும் இணைந்துள்ளது.
புதிய டாடா டியாகோ சி.என்.ஜி. மாடலில் 1.2 லிட்டர் பெட்ரோல் என்ஜின் மற்றும் சி.என்.ஜி. கிட் வழங்கப்படும் என தெரிகிறது. இந்த என்ஜின் செயல்திறன் பெட்ரோல் யூனிட்டை விட குறைவாகவே இருக்கும் என தெரிகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படலாம்.