எம்ஜி மோட்டார்ஸ் நிறுவனம் தனது குளோஸ்டர் எஸ்யுவி மாடலுக்கான டீசரை வெளியிட்டு உள்ளது. புதிய குளோஸ்டர் இந்திய சந்தையில் எம்ஜி மோட்டார்ஸ் நிறுவனத்தின் நான்காவது மாடல் ஆகும்.
புதிய குளோஸ்டர் ஃபோர்டு என்டேவர் மற்றும் டொயோட்டா ஃபார்ச்சூனர் மாடல்களுக்கு போட்டியாக அமைகிறது. டீசர் வீடியோவில் குளோஸ்டர் மாடலின் வெளிப்புற வடிவமைப்பை அம்பலப்படுத்தும் காட்சிகள் இடம்பெற்று இருக்கின்றன.
புதிய மாடல் இந்த பிரிவு வாகனங்களில் டிஸ்டன்ஸ் அசிஸ்ட், கொலிஷன் வார்னிங், ஆட்டோ பார்க் போன்ற வசதிகளை கொண்ட முதல் வாகனமாக இருக்கிறது.
புதிய எம்ஜி குளோஸ்டர் மாடல் பெட்ரோல் மற்றும் டீசல் என்ஜின் ஆப்ஷன்களில் கிடைக்கும் என தெரிகிறது. முன்னதாக எம்ஜி குளோஸ்டர் மாடல் 2020 ஆட்டோ எக்ஸ்போ விழாவில் காட்சிக்கு வைக்கப்பட்டது. மேலும் இது ரீபேட்ஜ் செய்யப்பட்ட மேக்சஸ் டி90 மாடல் ஆகும்.