மசராட்டி நிறுவனம் தனது எம்ச20 மாடலை செப்டம்பர் 9 ஆம் தேதி அறிமுகம் செய்ய இருக்கிறது. புதிய எம்சி20 மாடலில் நெட்டுனோ என்ஜின் வழங்கப்படுகிறது. இது 3.0 லிட்டர், ட்வின் டர்போ வி6 யூனிட் ஆகும். இந்த என்ஜின் 630 ஹெச்பி பவர் மற்றும் 730 என்எம் டார்க் செயல்திறன் வழங்குகிறது.
புதிய பவர் யூனிட் கொண்டு வெளியாகும் முதல் மாடலாக எம்சி20 இருக்கிறது. இதே என்ஜின் எதிர்கால மாடல்களிலும் வழங்கப்படும் என மசராட்டி தெரிவித்து இருக்கிறது.
இந்த கார் என்ஜினை கடந்த ஆண்டு நவம்பர் முதல் மசராட்டி சோதனை செய்து வருகிறது. இந்த யூனிட் ஆல்ஃபா ரோமியோ 4சி சார்ந்து உருவாகி இருக்கிறது. இந்த என்ஜின் முழுக்கமுழுக்க மசராட்டி நிறுவனத்தான் வடிவமைக்கப்பட்டு, உருவாக்கப்பட்டு இருக்கிறது.
சர்வதேச சந்தையில் மசராட்டி எம்சி20 அதிகம் எதிர்பார்க்கப்படும் மாடலாக இருக்கிறது. புதிய எம்சி20 மூலம் மசராட்டி நிறுவனம் மீண்டும் சர்வதேச ரேசிங்கில் களம் இறங்க இருக்கிறது.