டாடா மோட்டார்ஸ் நிறுவனம் ஹேரியர் மற்றும் சபாரி மாடல்களை வெல்வெட் கிரீன் நிறத்தில் உருவாக்கி இருப்பதாக தகவல் வெளியாகி உள்ளது. இந்த கார்களில் பிளாக் ரைனோ பேட்ஜ்கள் பொருத்தப்படுவதாகவும் கூறப்படுகிறது.
புதிய வெல்வெட் கிரீன் நிற வேரியண்ட் லிமிடெட் எடிஷனாக விற்பனை செய்யப்படும் என தெரிகிறது. இந்த காரின் உள்புறமும் டூயல் டோன் ஷேட் வழங்கப்படும் என தெரிகிறது. டாடா மோட்டார்ஸ் நிறுவனத்தின் ஹேரியர் மற்றும் சபாரி மாடல்களில் 2.0 லிட்டர், 4 சிலிண்டர் டீசல் என்ஜின் வழங்கப்பட்டு இருக்கிறது.
இந்த என்ஜின் 168 பி.ஹெச்.பி. திறன், 350 நியூட்டன் மீட்டர் டார்க் இழுவிசையை வெளிப்படுத்துகின்றன. இத்துடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.