சிம்பில் ஒன் எலெக்ட்ரிக் ஸ்கூட்டர் இந்திய சாலைகளில் டெஸ்டிங் செய்யப்படும் போது எடுக்கப்பட்ட படங்கள் இணையத்தில் வெளியாகி உள்ளது. ஸ்பை படங்களில் புதிய எலெக்ட்ரிக் ஸ்கூட்டர் விவரங்கள் தெரியவந்துள்ளது.
அதன்படி டெஸ்டிங்கில் உள்ள மாடல் அந்நிறுவனம் ஏற்கனவே காட்சிப்படுத்திய வெர்ஷனை போன்றே காட்சியளிக்கிறது. இந்த மாடலின் அப்ரானில் எல்இடி ஹெட்லைட் மவுண்ட் செய்யப்பட்டுள்ளது. இத்துடன் இண்டிகேட்டர்கள், ஹேண்டில்பாரிலேயே பொருத்தப்பட்டு இருக்கிறது. இதில் உள்ள ஒற்றை சீட், இளமையான தோற்றம் கொண்டிருக்கிறது.
2021 ஆண்டு அறிமுகம் செய்யப்பட்ட சிம்பில் எனர்ஜி மாடலில் 4.8 கிலோவாட் ஹவர் பேட்டரி பேக், 4.5 கிலோவாட் மோட்டார் வழங்கப்பட்டு இருந்தது. பின் சில மாதங்கள் கழித்து இதே மாடலில் மூன்றாவதாக மற்றொரு பேட்டரி பேக் வழங்கப்பட்டு, இந்த ஸ்கூட்டர் முழு சார்ஜ் செய்தால் 300 கிலோமீட்டர்கள் ரேன்ஜ் வழங்கும் என்று கூறப்பட்டது.
சிம்பில் எனர்ஜி நிறுவனத்தின் எலெக்ட்ரிக் ஸ்கூட்டர் மாடல் எல்இடி இலுமினேஷன், ப்ளூடூத் மற்றும் வைபை வசதி கொண்ட டிஎப்டி கன்சோல், 2 ஜிபி ரேம், நான்கு ரைடிங் மோட்கள்- இகோ, ரைடு, டேஷ் மற்றும் சோனிக் கொண்டிருக்கிறது. இந்த மாடலில் டெலிஸ்கோபிக் முன்புற ஃபோர்க்குகள், பின்புறம் மோனோஷாக் யூனிட் வழங்கப்படுகிறது.
Photo Courtesy: bikewale