ரிஷபம்
முயற்சியில் முனைப்புடன் செயல்படும் வாரம். ராசி அதிபதி சுக்ரன் ராசியில் ஆட்சி பலம் பெற்றுள்ளார். இதற்கு 9,10-ம் அதிபதி சனியின் பார்வையும் உள்ளது. வேகமும் விவேகமும் அதிகரிக்கும். திருமண வாழ்க்கையில் ஏற்பட்ட நெருடல், மன வேதனை மாறும். வீடு, மனை, நிலம், வாகனம் போன்ற அனைத்து அவசிய தேவைகளுக்கும் கடன் கிடைக்கும். வெளிநாட்டு வேலை, அரசு வேலை முயற்சி வெற்றி தரும். இதுவரை எந்த வேலைக்கும் போகாமல் இருந்தவர்கள் கூட கிடைத்த வேலைக்குச் செல்வார்கள்.
தொழில் எதிரிகள் உங்களை கண்டு விலகுவார்கள். வீடு மாற்றம் அல்லது வேலை மாற்றம் செய்ய நேரும். புதிய வேலை வாய்ப்பு, தொழில் வாய்ப்பு என விரும்பிய மாற்றங்கள் உண்டாகும். இடமாற்ற சிந்தனை மேலோங்கும். 5.5.2026 அன்று பகல் 12.54 முதல் 7.5.2026 அன்று நள்ளிரவு 1.26 மணி வரை சந்திராஷ்டமம் இருப்பதால் ஜாமீன் மற்றும் கொடுக்கல் வாங்கலில் சிந்தித்து செயல்படுவது நல்லது. பயண அலைச்சலால் சிறு சிறு உடல் உபாதைகள் தோன்றி மறையும். தினமும் பட்சிகளுக்கு உணவிடவும்.
‘பிரசன்ன ஜோதிடர்’
ஐ.ஆனந்தி
செல்: 98652 20406
