பைக்

பஜாஜ் ஆட்டோ மற்றும் டிரையம்ப் மோட்டார்சைக்கிள்ஸ் நிறுவனங்கள் இடையிலான கூட்டணி மூலம் டிரையம்ப் பிராண்டிங்கில் குறைந்த விலை மோட்டார்சைக்கிள்கள் அறிமுகம் செய்யப்பட்டுள்ளன. 400சிசி, சிங்கிள் சிலிண்டர் பிளாட்ஃபார்மில் டிரையம்ப் நிறுவனம் இரண்டு மோட்டார்சைக்கிள் மாடல்களை அறிமுகம் செய்துள்ளது.

இந்த நிலையில், 2024 இறுதிக்கிள் மற்றொரு புதிய டிரையம்ப் மோட்டார்சைக்கிள் அறிமுகம் செய்யப்பட உள்ளதாக பஜாஜ் ஆட்டோ தலைமை செயல் அதிகாரி ராஜிவ் பஜாஜ் தெரிவித்துள்ளார். இந்த மோட்டார்சைக்கிள் மிடில் வெயிட் மோட்டார்சைக்கிள் பிரிவில் நிலைநிறுத்தப்படும் என்று தெரிகிறது. இது தொடர்பான தகவலை தனியார் நிறுவனத்திற்கு அளித்த பேட்டியில் அவர் தெரிவித்தார்.

புதிய டிரையம்ப் மோட்டார்சைக்கிள் திரக்ஸ்டன் 400 மோட்டார்சைக்கிளை தழுவி உருவாக்கப்பட்டு இருக்கும் என்று தெரிகிறது. சமீபத்தில் திரக்ஸ்டன் மாடலை போன்ற தோற்றம் கொண்ட செமி-ஃபேர்டு மோட்டார்சைக்கிள் டெஸ்டிங் செய்யப்படும் புகைப்படம் இணையத்தில் வெளியாகி இருந்தது.

ஸ்பீடு 400 மற்றும் ஸ்கிராம்ப்ளர் 400X போன்றே இந்த பைக்கும் 400சிசி பிளாட்ஃபார்மில் உருவாக்கப்படும் என தெரிகிறது. இந்த பைக் கஃபே ரேசர் பிரிவில் இடம்பெறும் என்றும் இதன் விலை ரூ. 2 லட்சத்து 50 ஆயிரம், எக்ஸ்-ஷோரூம் முதல் துவங்கும் என்று கூறப்படுகிறது. 

பஜாஜ் ஆட்டோ நிறுவனம் அடுத்த மாதம் தனது முதல் சி.என்.ஜி. பைக்கை அறிமுகம் செய்யும் என்று தகவல்கள் வெளியாகி உள்ளன. புதிய சி.என்.ஜி. பைக் தொடர்பாக பல்வேறு தகவல்கள் இணையத்தில் வெளியாகி உள்ளன. இந்த நிலையில், பஜாஜ் சி.என்.ஜி. பைக்கின் புளூ ப்ரின்ட் இணையத்தில் லீக் ஆகி இருக்கிறது.

இதில் புதிய பைக்கின் சேசிஸ், சி.என்.ஜி. மற்றும் பெட்ரோல் டேன்க் மற்றும் ஒட்டுமொத்த தோற்றம் எப்படி இருக்கும் என்ற விவரங்கள் தெரியவந்துள்ளது. அதன்படி பஜாஜ் சி.என்.ஜி. பைக் டபுள் கிராடில் ஃபிரேம் கொண்டிருக்கும் என்றும் சி.என்.ஜி. சிலிண்டரை பிடித்துக் கொள்ளும் பிடிப்புகள் வழங்கப்படுகின்றன. இந்த யூனிட் மோட்டார்சைக்கிளின் மத்தியில் இருக்கையின் கீழ் வழங்கப்படுகிறது.

சி.என்.ஜி. மற்றும் பெட்ரோல் டேன்க் என இரண்டையும் வைத்துக் கொள்வதற்கு ஏற்ற வகையில் பஜாஜ் சி.என்.ஜி. பைக்கில் ஸ்லோப்பர் என்ஜின் வழங்கப்படுகிறது. என்ஜினின் தலைப்பகுதி கீழ்புறமாக வைக்கப்பட்டு இருப்பதால், சி.என்.ஜி. டேன்க் வைக்க இடம் கிடைக்கிறது.

சி.என்.ஜி. டேன்க்-ஐ வைத்து கொள்ள ஏதுவாக சேசிஸ்-இன் மெயின் ஃபிரேம் மற்றும் சப்-ஃபிரேம் இடையில் வட்ட வடிவம் கொண்ட பிடிப்புகள் வெல்டிங் செய்யப்படுகின்றன. என்ஜின், சி.என்.ஜி. சிலிண்டர் மற்றும் ஃபியூவல் டேன்க் உள்ளிட்டவைகளை பஜாஜ் நிறுவனம் எப்படி ஒருங்கிணைக்கும், பைக்கின் எடை எவ்வளவு இருக்கும் என்பதை பொருத்திருந்து தான் பார்க்க வேண்டும்.

புதிய சி.என்.ஜி. பைக்கில் பஜாஜ் நிறுவனம் 125சிசி என்ஜின் வழங்கும் என்று தெரிகிறது. இந்தியாவின் முதல் சி.என்.ஜி. பைக் என்ற பெருமையை பெறுகிறது. அந்த வகையில், இந்த பைக் அதிக மைலேஜ் வழங்கும் என்று எதிர்பார்க்கலாம். 

யமஹா நிறுவனத்தின் அதிகம் எதிர்பார்க்கப்படும் மோட்டார்சைக்கிள் RX100. இந்திய சந்தையில் அதிக பிரபலமாக விளங்கிய RX100 மோட்டார்சைக்கிள், புதிய அம்சங்களுடன் அறிமுகம் செய்யப்பட உள்ளது. இந்த ஆண்டு இறுதியிலோ அல்லது அடுத்த ஆண்டு துவக்கத்திலோ இந்த மோட்டார்சைக்கிள் அறிமுகம் செய்யப்படும் என்று தெரிகிறது.

இந்த நிலையில், யமஹா RX100 புதிய மாடல் புகைப்படம் இணையத்தில் லீக் ஆகி இருக்கிறது. லீக் ஆகி இருக்கும் புகைப்படத்தின் படி புதிய RX100 மோட்டர்சைக்கிளில் டிஜிட்டல் இன்ஸ்ட்ரூமென்ட் கிளஸ்டர், மொபைல் கனெக்டிவிட்டி, மொபைல் சார்ஜிங் வசதி, டிஜிட்டல் ஸ்பீடோமீட்டர் மற்றும் டிஸ்க் பிரேக் உள்ளிட்டவை வழங்கப்படும் என்று தெரியவந்துள்ளது.

புதிய RX100 மாடலில் 225சிசி பி.எஸ்.6 ஃபேஸ் 2 என்ஜின் வழங்கப்படுகிறது. இந்த என்ஜின் 20 ஹெச்.பி. பவர், 19.93 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய யமஹா RX100 விலை இந்தியாவில் ரூ. 1 லட்சத்து 40 ஆயிரம் முதல் துவங்கும் என்று தெரிகிறது.

இந்த பைக்கின் செயல்திறன் மற்றும் அம்சங்கள் அடிப்படையில் இது விற்பனையில் நல்ல வரவேற்பை பெறும் என்று எதிர்பார்க்கலாம். எனினும், புதிய யமஹா RX100 அம்சங்கள் மற்றும் வெளியீடு தொடர்பாக சமீபத்தில் எந்த தகவலும் வெளியாகவில்லை.

பஜாஜ் ஆட்டோ நிறுவனத்தின் அதிகம் எதிர்பார்க்கப்பட்ட பல்சர் NS400Z மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய பல்சர் NS400Z விலை ரூ. 1 லட்சத்து 85 ஆயிரம், எக்ஸ் ஷோரூம் என நிர்ணயம் செய்யப்பட்டு உள்ளது. இந்த பைக் பஜாஜ் நிறுவனம் இதுவரை அறிமுகம் செய்ததிலேயே சக்திவாய்ந்த பல்சர் மோட்டார்சைக்கிள் ஆகும்.

தோற்றத்தில் பல்சர் NS400Z மோட்டார்சைக்கிள் NS200 மாடலை தழுவி உருவாக்கப்பட்டு இருக்கிறது. இந்த பைக்கின் ஹெட்லைட் அளவில் பெரியதாகவும், எல்.இ.டி. ப்ரோஜெக்டர் லைட் மற்றும் டி.ஆர்.எல்.கள் வழங்கப்பட்டுள்ளன. இதன் டெயில் லைட் NS200 மாடலில் உள்ளதை போன்றே வழங்கப்படுகிறது.

அம்சங்களை பொருத்தவரை பல்சர் NS400Z மாடலில் எல்.இ.டி. லைட்கள், ஸ்விட்ச் செய்யக்கூடிய டிராக்ஷன் கண்ட்ரோல், நான்கு ரைட் மோட்கள் வழங்கப்படுகின்றன. இத்துடன் டிஜிட்டல் இன்ஸ்ட்ரூமென்ட் கிளஸ்டர், எல்.சி.டி. யூனிட் மற்றும் ப்ளூடூத் கனெக்டிவிட்டி வழங்கப்பட்டு இருக்கிறது.

புதிய பல்சர் NS400Z மாடலில் டாமினர் 400 மாடலில் உள்ளதை போன்றே 373சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 39.4 ஹெச்.பி. பவர், 35 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டுள்ளது.

கே.டி.எம். இந்தியா நிறுவனம் தனது மிகப்பெரிய மோட்டார்சைக்கிள் மாடல்களை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. முதற்கட்டமாக தேர்வு செய்யப்பட்ட நகரங்களில் கே.டி.எம்.-இன் பெரிய பைக்குகள் அறிமுகம் செய்யப்பட இருக்கின்றன.

தற்போது கே.டி.எம். இந்தியா நிறுவனம் புதிய 390 டியூக் மாடலை மட்டுமே பெரிய பைக் பிரிவில் விற்பனை செய்து வருகிறது. இந்த மாடலில் 399சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 40 ஹெச்.பி. பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

தற்போதைய தகவல்களின் படி கே.டி.எம். 890 டியூக் ஸ்டிரீட் நேக்கட், 890 அட்வென்ச்சர் அல்லது 990 டியூக் மற்றும் 1390 சூப்பர் டியூக் மாடல்கள் இந்திய சந்தையில் அறிமுகம் செய்யப்படும் என்று தெரிகிறது. 890 டியூக் மாடல் அதிக அம்சங்கள், புதிய தொழில்நுட்பங்களை கொண்டிருக்கிறது.

இதில் கே.டி.எம். 890 டியூக் மாடல் அந்நிறுவனத்தின் கே.டி.எம். 790 டியூக் மாடலை தழுவி உருவாக்கப்பட்டு இருக்கிறது. 890 அட்வென்ச்சர் மாடல் இந்திய சந்தையில் நல்ல வரவேற்பை பெறும் என்று தெரிகிறது.

டூரிங் மற்றும் ஆஃப் ரோட் ரைடிங் என இருவித பயன்பாடுகளுக்கும் ஏற்ற மாடலாக 890 அட்வென்ச்சர் விளங்குகிறது. இந்திய சந்தையில் இந்த பைக் டிரையம்ப் டைகர் 900 மற்றும் சுசுகி வி ஸ்டாம் 800DE மாடல்களுக்கு போட்டியாக அமையும்.

இந்திய சந்தையில் கே.டி.எம்.-இன் பெரிய பைக் மாடல்கள் அடுத்த ஆண்டு அறிமுகம் செய்யப்படும் என்று கூறப்படுகிறது. 

ஆம்பியர் எலெக்ட்ரிக் நிறுவனம் இந்திய சந்தையில் தனது முற்றிலும் புதிய எலெக்ட்ரிக் ஸ்கூட்டர் - ஆம்பியர் நெக்சஸ் மாடலை அறிமுகம் செய்தது. புதிய எலெக்ட்ரிக் ஸ்கூட்டர் விலை ரூ. 1 லட்சத்து 10 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய நெக்சஸ் மாடல் ஆம்பியர் நிறுவனத்தின் முதல் பிரீமியம் எலெக்ட்ரிக் ஸ்கூட்டர் ஆகும்.

ஆம்பியர் நெக்சஸ் மாடல் EX மற்றும் ST என இரண்டு வேரியண்ட்களில் கிடைக்கிறது. இந்த ஸ்கூட்டர் சான்ஸ்கர் அக்வா, ஸ்டீல் கிரே, இந்தியன் ரெட் மற்றும் லூனார் வைட் என நான்குவித நிறங்களில் கிடைக்கிறது. இந்த ஸ்கூட்டரில் 4 கிலோவாட் எலெக்ட்ரிக் மோட்டார் வழங்கப்பட்டு இருக்கிறது.

இந்த ஸ்கூட்டர் பவர் மோடில் மணிக்கு 93 கிலோமீட்டர் வேகத்தில் செல்லும் தறன் கொண்டிருக்கிறது. சிட்டி மோடில் இந்த ஸ்கூட்டர் மணிக்கு அதிகபட்சம் 63 கிலோமீட்டர்களும், இகோ மோடில் மணிக்கு அதிகபட்சம் 42 கிலோமீட்டர்கள் வேகத்திலும் செல்லும் வகையில் கட்டுப்படுத்தப்பட்டு இருக்கிறது. ஸ்கூட்டரின் பேட்டரி அளவு 20 சதவீதத்திற்கும் கீழ் குறையும் போது லிம்ப் ஹோம் மோட் செயல்படுத்தப்படுகிறது.

இத்துடன் ரிவர்ஸ் மோட் வசதியும் உள்ளது. இந்த ஸ்கூட்டரில் 3 கிலோவாட் ஹவர், IP67 தர பேட்டரி வழங்கப்பட்டு இருக்கிறது. இந்த பேட்டரியை முழுமையாக சார்ஜ் செய்தால் 136 கிலோமீட்டர்கள் வரையிலான ரேன்ஜ் வழங்கும் என சான்று பெற்றுள்ளது. இத்துடன் 15A மற்றும் 25A என இரண்டு சார்ஜிங் ஆப்ஷன்கள் வழங்கப்படுகிறது. 

பஜாஜ் நிறுவனம் இதுவரை அறிமுகம் செய்ததில் சக்திவாய்ந்த பல்சர் மோட்டார்சைக்கிளை இன்னும் சில நாட்களில் அறிமுகம் செய்ய உள்ளது. பஜாஜ் பல்சர் NS400 பெயரில் அறிமுகமாகும் இந்த பைக் முழுமையான டிஜிட்டல் இன்ஸ்ட்ரூமென்ட் கன்சோல் கொண்டிருக்கும் என்றும் இது முற்றிலும் புதிய NS200 மாடலில் உள்ளதை போன்றே இருக்கும் என்று தெரிகிறது.

இந்த யூனிட் ஸ்மார்ட்போன் கனெக்டிவிட்டி, அழைப்புகள் மற்றும் எஸ்.எம்.எஸ். அலர்ட், நேவிகேஷன் போன்ற வசதிகளை கொண்டிருக்கும் என்று கூறப்படுகிறது. இந்த மோட்டார்சைக்கிள் பல்வேறு நிறங்களில் கிடைக்கும் என்று தெரிகிறது. இந்த மாடலில் ஏ.பி.எஸ். மோட்கள், டிராக்ஷன் கண்ட்ரோல் சிஸ்டம் போன்ற வசதிகள் வழங்கப்படும் என்றும் எதிர்பார்க்கலாம்.

புதிய பஜாஜ் பல்சர் NS400 மாடலில் டாமினர் 400 மாடலில் உள்ளதை போன்ற 373சிசி என்ஜின் வழங்கப்படலாம். இது 39.42 ஹெச்.பி. பவர், 35 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த என்ஜினுடன் 6 ஸ்பீடு கியர்பாக்ஸ் வழங்கப்படுகிறது.

இத்துடன் புதிய பல்சர் NS400 மாடலில் முன்புறம் யு.எஸ்.டி. ஃபோர்க்குகள், பின்புறம் மோனோஷாக் யூனிட், பிரேக்கிங்கிற்கு டிஸ்க் பிரேக்குகள் வழங்கப்படுகின்றன. டிசைனை பொருத்தவரை இந்த மாடலில் ஸ்ப்லிட் சீட், டெயில் பகுதியில் கிராப் ரெயில் வழங்கப்படுகிறது. இதன் ஒட்டுமொத்த தோற்றம் NS200 மாடலை தழுவி உருவாக்கப்பட்டு இருக்கும் என்று தெரிகிறது.

அறிமுகம் செய்யப்பட்டதும், இந்திய சந்தையில் பஜாஜ் பல்சர் NS400 மோட்டார்சைக்கிள் கே.டி.எம். 390 டியூக், பி.எம்.டபிள்யூ. G 310 R மற்றும் டி.வி.எஸ். அபாச்சி RTR 310 போன்ற மாடல்களுக்கு போட்டியாக அமையும். 

பஜாஜ் ஆட்டோ நிறுவனம் தனது செட்டாக் ஸ்கூட்டரின் புது வேரியண்டை அறிமுகம் செய்யும் பணிகளில் ஈடுபட்டு வருகிறது. இதன் மூலம் தனது எலெக்ட்ரிக் ஸ்கூட்டர் மாடலை மேலும் அதிக வாடிக்கையாளர்களிடம் கொண்டுசேர்க்க முடியும் என்று பஜாஜ் ஆட்டோ நிறுவனம் நம்புகிறது.

இதோடு, புதிய வேரியண்ட் மூலம் எலெக்ட்ரிக் இருசக்கர வாகனங்கள் சந்தையில் போட்டியை பலப்படுத்த முடியும் என பஜாஜ் ஆட்டோ நினைக்கிறது. தரம் மற்றும் செயல்திறனில் எவ்வித சமரசமும் இன்றி குறைந்த விலையில் விற்பனைக்கு கொண்டு வரும் நோக்கில் புதிய வேரியண்ட் உருவாக்கப்படுகிறது.

அதன்படி புதிய வேரியண்ட் இளம் வாடிக்கையாளர்களை கவரும் வகையில், பல்வேறு புதிய நிறங்களில் கிடைக்கும் என்று தெரிகிறது. இத்துடன் அலாய் வீல்களுக்கு மாற்றாக அழகிய டிசைன் கொண்ட வீல்கள், டிரம் பிரேக்குகளை கொண்டிருக்கும் என ஸ்பை படங்களில் தெரியவந்துள்ளது.

தற்போது விற்பனை செய்யப்படும் செட்டாக் வேரியண்டில் உள்ள டி.எஃப்.டி. இன்ஸ்ட்ரூமென்ட் ஸ்கிரீனுக்கு மாற்றாக புதிய வேரியண்டில் வட்ட வடிவம் கொண்ட எல்.சி.டி. யூனிட் வழங்கப்படலாம். புதிய வேரியண்டில் மிட்-டிரைவ் மோட்டார் வழங்கப்படும் என்று தெரிகிறது.

இந்த வேரியண்டிலும் 2.9 கிலோவாட் ஹவர் யூனிட் வழங்கப்படலாம். இது முழு சார்ஜ் செய்தால் 113 கிலோமீட்டர்கள் வரையிலான ரேன்ஜ் வழங்கும் என்று தெரிகிறது. இந்திய சந்தையில் புதிய வேரியண்ட் ஓலா S1 X பிளஸ், ஏத்தர் ரிஸ்டா, டி.வி.எஸ். ஐகியூப் மற்றும் சிம்பில் டாட் ஒன் போன்ற மாடல்களுக்கு போட்டியாக அமையும்.

பஜாஜ் ஆட்டோ நிறுவனம் இதுவரை தான் உருவாக்கியதிலேயே அதிக சக்திவாய்ந்த பல்சர் மோட்டார்சைக்கிள் மாடலை விரைவில் அறிமுகம் செய்ய இருக்கிறது. புதிய பல்சர் மோட்டார்சைக்கிள் மாடலுக்கான டீசரை பஜாஜ் நிறுவனம் தனது அதிகாரப்பூர்வ சமூக வலைதள பக்கங்களில் வெளியிட்டு உள்ளது.

அந்த வகையில் பஜாஜ் நிறுவனத்தின் மிகவும் சக்திவாய்ந்த பல்சர் மோட்டார்சைக்கிள் மே 3 ஆம் தேதி அறிமுகம் செய்யப்பட இருக்கிறது. புதிய பல்சர் மோட்டார்சைக்கிளின் திறன் எப்படி இருக்கும் என்பது டீசரில் தெரியவந்துள்ளது. இந்த பைக் பல்சர் ns200 சீரிசை தழுவி உருவாக்கப்பட்டு இருக்கும் என்று கூறப்படுகிறது.

புதிய பல்சர் பைக்கில் கே.டி.எம். 390 டியூக் அல்லது டாமினர் 400 மாடல்களில் உள்ள என்ஜினின் ரிடியூன் செய்யப்பட்ட வெர்ஷன் வழங்கப்படும் என கூறப்படுகிறது. என்ஜின் எதுவாயினும், அதன் திறன் 40 ஹெச்.பி. பவர், 37 நியூட்டன் மீட்டர் டார்க் வெளிப்படுத்தும் திறன் கொண்டிருக்கும் என்று எதிர்பார்க்கலாம். இத்துடன் 6 ஸ்பீடு கியர்பாக்ஸ் வழங்கப்படலாம்.

இதுதவிர புதிய பல்சர் பைக்கில் முன்புறம் யு.எஸ்.டி. ஃபோர்க், பின்புறம் பிரீலோடு அட்ஜஸ்ட் வசதி கொண்ட மோனோஷாக் யூனிட் வழங்கப்படலாம். பிரேக்கிங்கிற்கு முன்புறம் 320 மில்லிமீட்டர், பின்புறம் 220 மில்லிமீட்டர் டிஸ்க் பிரேக்குகள் வழங்கப்படலாம். இந்த மாடலில் 17 இன்ச் அலாய் வீல்கள் வழங்கப்படும் என்று தெரிகிறது. 

We are getting closer to the D-day. The new nemesis of the night is upon us.

The biggest, fastest and the most powerful Pulsar ever.

Register now. Registration link in the bio.#pulsar #biggestpulsar pic.twitter.com/JYMDDjfJw7

— Bajaj Auto Ltd (@_bajaj_auto_ltd) April 23, 2024

அப்ரிலியா நிறுவனத்தின் RSV4 ஃபேக்டரி மாடல் இந்திய சந்தையில் விற்பனைக்கு கிடைக்கிறது. புதிய அப்ரிலியா ஸ்போர்ட்ஸ் பைக்கின் விலை ரூ. 31 லட்சத்து 26 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக அப்ரிலியா RSV4 மாடல் இந்திய சந்தையில் விற்பனை செய்யப்பட்டு வந்தது குறிப்பிடத்தக்கது.

பிளாக்ஷிப் மாடல் என்பதால் RSV4 ஃபேக்டரி மாடலில் ரேசிங் ஸ்டைல் ஏரோடைனமிக்ஸ், சக்திவாய்ந்த என்ஜின் வழங்கப்பட்டு இருக்கிறது. இந்திய சந்தையில் அப்ரிலியா RSV4 ஃபேக்டரி மாடல் டுகாட்டி நிறுவனத்தின் பனிகேல் V4 S மாடலுக்கு போட்டியாக அமைகிறது. டுகாட்டி பனிகேல் V4 S மாடலின் விலை ரூ. 2.2 லட்சம் அதிகம் ஆகும்.

புதிய RSV4 ஃபேக்டரி மாடலில் 1099 சிசி, V4 என்ஜின் வழங்கப்பட்டு இருக்கிறது. இந்த என்ஜின் 214 ஹெச்.பி. பவர், 125 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த பைக்கில் டூயல் பீம் அலுமினியம் ஃபிரேம் மற்றும் அசத்தலான ஸ்விங் ஆர்ம் வழங்கப்பட்டு இருக்கிறது.

இத்துடன் 43 மில்லிமீட்டரில் முழுமையாக அட்ஜஸ்ட் செய்யக்கூடிய ஒலின்ஸ் யு.எஸ்.டி. ஃபோர்க், பின்புறம் எலெக்ட்ரிக் முறையில் இயக்கப்படும் மோனோஷாக் வழங்கப்பட்டு இருக்கிறது. இந்த மோட்டார்சைக்கிளில் 17.9 லிட்டர்கள் ஃபியூவல் டேன்க் வழங்கப்பட்டுள்ளது. 

டிரையம்ப் இந்தியா நிறுவனம் 2024 டைகர் 900 மாடலை இந்திய சந்தையில் அறிமுகம் செய்துள்ளது. புதிய மேம்பட்ட மோட்டார்சைக்கிள் GT மற்றும் ரேலி ப்ரோ என இரண்டு வேரியண்ட்களில் கிடைக்கிறது.

டைகர் 900 GT மாடலின் விலை ரூ. 13 லட்சத்து 95 ஆயிரம் என்றும் ரேலி ப்ரோ மாடலின் விலை ரூ. 15 லட்சத்து 95 ஆயிரம் என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

டிசைனை பொருத்தவரை 2024 டிரையம்ப் டைகர் 900 ரேலி ப்ரோ மற்றும் டைகர் 900 GT மாடல்களில் உயர்த்தப்பட்ட ஸ்டான்ஸ் (பைக் ஓட்டும் போது கால் வைக்கும் இடம்) வழங்கப்பட்டு இருக்கிறது.

இரு மாடல்களும் ஆஃப் ரோடு ரைடிங், நீண்ட தூர பயணத்திற்கு ஏற்ற வகையில் உருவாக்கப்பட்டுள்ளது. எனினும், ரேலி ப்ரோ மாடலில் ஆஃப் ரோடிங் சற்று சிறப்பான அனுபவத்தை கொடுக்கும் என்று தெரிகிறது.

புதிய டைகர் 900 ரேலி ப்ரோ மாடல்- கார்பன் பிளாக், ஆஷ் கிரே மற்றும் மேட் காக்கி என மூன்று நிறங்களிலும் GT மாடல்- கிராஃபைட், ஸ்னோடோனியா வைட் மற்றும் கார்னிவல் ரெட் என மூன்று நிறங்களிலும் கிடைக்கின்றன.

2024 டிரையம்ப் டைகர் 900 மாடலில் இன்லைன், மூன்று சிலிண்டர்கள் கொண்ட லிக்விட் கூல்டு, 888சிசி என்ஜின் வழங்கப்பட்டு இருக்கிறது. இந்த என்ஜின் 106.5 ஹெச்.பி. பவர், 90 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டு இருக்கிறது. 

இந்திய சந்தையில் புதிய EMP திட்டம் காரணமாக மற்ற எலெக்ட்ரிக் வாகன உற்பத்தியாளர்கள் தங்களது வாகனங்கள் விலையை உயர்த்தியுள்ள நிலையில், ஓலா எலெக்ட்ரிக் நிறுவனம் தனது வாகனங்களின் விலையை குறைப்பதாக அறிவித்து இருக்கிறது.

விலை குறைப்பு காரணமாக ஓலா நிறுவனத்தின் S1 X 2 கிலோவாட் ஹவர் வேரியண்ட் விலை ரூ. 79 ஆயிரத்து 999-இல் இருந்து ரூ. 69 ஆயிரத்து 999 என குறைந்து இருக்கிறது. S1 X 3 கிலோவாட் ஹவர் வேரியண்ட் விலை ரூ. 89 ஆயிரத்து 999-இல் இருந்து ரூ. 84 ஆயிரத்து 999 என குறைந்துள்ளது.

இந்த சீரிசில் டாப் எண்ட் S1 X 4 கிலோவாட் ஹவர் மாடலின் விலை ரூ. 1 லட்சத்து 10 ஆயிரத்தில் இருந்து ரூ. 99 ஆயிரத்து 999 என குறைந்தது. ஓலா S1 X சீரிஸ் மாடல்களின் வினியோகம் அடுத்த வாரம் முதல் துவங்கும் என்று தகவல்கள் வெளியாகி உள்ளன.

ஓலா S1 X சீரிஸ் விலை குறைந்துள்ள நிலையில், S1 X பிளஸ், S1 ஏர் மற்றும் S1 ப்ரோ மாடல்களின் விலையில் எந்த மாற்றமும் மேற்கொள்ளப்படவில்லை. ஓலா S1 X பிளஸ் மாடலின் விலை ரூ. 89 ஆயிரத்து 999 என்றும் S1 ஏர் மாடலின் விலை ரூ. 1 லட்சத்து 05 ஆயிரம், S1 ப்ரோ மாடலின் விலை ரூ. 1 லட்சத்து 30 ஆயிரம் ஆகும்.

இந்திய சந்தையில் ஓலா எலெக்ட்ரிக் நிறுவனத்தின் அனைத்து எலெக்ட்ரிக் ஸ்கூட்டர்களுக்கும் எட்டு ஆண்டுகள் வாரண்டி வழங்கப்படுகிறது. இங்கு குறிப்பிடப்பட்டு இருக்கும் விலைகள் அனைத்தும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.