ஐ.பி.எல். கிரிக்கெட் தொடரில் இன்று இரண்டு ஆட்டங்கள் அரங்கேறுகின்றன. இதில் அகமதாபாத்தில் உள்ள நரேந்திர மோடி ஸ்டேடியத்தில் மாலை 3.30 மணிக்கு நடக்கும் 35-வது லீக் ஆட்டத்தில் முன்னாள் சாம்பியனான குஜராத் டைட்டன்ஸ் அணி, டெல்லி கேப்பிட்டல்சுடன் மோதுகிறது.
இந்நிலையில் இந்த போட்டியை நேரில் காண வரும் ரசிகர்களுக்கு இலவசமாக தண்ணீர், சன்ஸ்கிரீன் மற்றும் ORS ஆகியவற்றை குஜராத் அணி வழங்குவதாக அறிவித்துள்ளது. வெயிலை சமாளிக்க இந்த சலுகை ரசிகர்களிடையே பெரும் வரவேற்பை பெற்றுள்ளது.
இதேபோல் சிஎஸ்கே நிர்வாகமும் சென்னையில் நடக்கும் 3.30 போட்டிக்கு இத்தகைய சலுகை வழங்குமா என ரசிகர்கள் எதிர்பார்க்கின்றனர்.
