தமிழக வரலாற்றில் முதல்முறையாக வேளாண்துறைக்கு தனி பட்ஜெட் தாக்கல் செய்யப்பட்டுள்ளது. வேளாண்மை மற்றும் உழவர் நலத்துறை அமைச்சர் எம்ஆர்கே பன்னீர்செல்வம் பட்ஜெட்டை தாக்கல் செய்து பேசியதாவது:-
* தமிழகத்தில் நிகர சாகுபடி பரப்பான 60 விழுக்காடு என்பதை 75 விழுக்காடாக உயர்த்த நடவடிக்கை எடுக்கப்படும்.
* 10 லட்சம் ஹெக்டேர் இருபோக சாகுபடி பரப்பினை அடுத்த 10 ஆண்டுகளுக்குள் 20 லட்சம் ஹெக்டேரோக உயர்த்த நடவடிக்கை மேற்கொள்ளப்படும்.
* ஒருங்கிணைந்த பண்ணையம் மூலம் வேளாண் வருவாயை உயர்த்த நடவடிக்கை மேற்கொள்ளப்படும்.
* சிறுகுறு விவசாயிகளை ஒருங்கிணைந்து கூட்டுப்பண்ணை முறை ஊக்குவிக்கப்படும்.
* சொட்டு நீர், தெளிப்பு நீர் பாசன முறைகள் விரிவுபடுத்தப்படும்.
* பணப்பயிர் வேளாண் ஆக்கத்திறனில் முதல் மூன்று இடங்களுக்குள் தமிழகம் இடம்பிடிக்கும்.
* தமிழ்நாட்டில் 19.31 லட்சம் ஹெக்டேர் தரிசு நிலம் இருப்பது கண்றியப்பட்டுள்ளது.
* முதலமைச்சர் மானாவாரி நில மேம்பாடு இயக்கத்திற்கு ரூ.146.64 கோடி நிதி ஒதுக்கீடு.
* வேளாண்மை துறையில் இயற்கை வேளாண்மைக்கு என தனிப்பிரிவு உருவாக்கப்படும்.
* இயற்கை வேளாண்மை வளர்ச்சி திட்டம் நடப்பாண்டு முதல் செயல்படுத்தப்படும்.
* தோட்டக்கலைத்துறையின் மூலம் தோட்டக்கலை நடவுப்பொருட்கள் உற்பத்தி மேற்கொள்ளப்படும்.
* தோட்டக்கலை நடவுப்பொருட்கள் உற்பத்தி ரூ.21.8 கோடி செலவில் செயல்படுத்தப்படும்.
