சென்னை:
புதுச்சேரி பல்கலைக்கழகத்தில் வன்முறை இல்லாத அமைதியான சூழலை ஏற்படுத்தக்கோரி சென்னை ஐகோர்ட்டில் வினோத் என்பவர் வழக்கு தொடர்ந்திருந்தார். இந்த வழக்கு இன்று நீதிபதி கிருபாகரன் முன்னிலையில் விசாரணைக்கு வந்தது.
அப்போது, கடந்த 2015-ம் ஆண்டு முதல் புதுச்சேரி பல்கலைக்கழக வளாகத்தில் எத்தனை மோதல்கள் நடைபெற்றுள்ளன? எத்தனை வழக்குகள் பதிவு செய்யப்பட்டுள்ளன? என்ன நடவடிக்கை எடுக்கப்பட்டுள்ளன? என்று நீதிபதி கிருபாகரன் கேள்விகளை எழுப்பினார்.
மேலும், இவ்வழக்கு தொடர்பாக புதுவை டி.ஜி.பி மற்றும் மாவட்ட போலீஸ் சூப்பிரண்டு வரும் 7-ம் தேதி நேரில் ஆஜராக வேண்டும் என்று நீதிபதி உத்தரவிட்டார்.
