டபிள்யூடிஏ பைனல்ஸ்: நம்பர் ஒன் வீராங்கனைக்கு அதிர்ச்சி கொடுத்தார் மாற்று வீராங்கனை

உலகின் தலைசிறந்த டென்னிஸ் வீராங்கனைகளுக்கு இடையிலான டபிள்யூடிஏ பைனல்ஸ் தொடர் சீனாவில் உள்ள ஷின்சென்னில் நடைபெற்று வருகிறது.

8 வீராங்கனைகளும் ரெட், பர்பிள் என இரண்டு பிரிவுகளாக பிரிக்கப்பட்டுள்ளனர். ரெட் பிரிவில் முதல் நிலை வீராங்கனையான ஆஷ்லே பார்ட்டி இடம் பிடித்துள்ளார். இதே பிரிவில் 3-ம் நிலை வீராங்கனையான ஒசாகா இடம் பிடித்திருந்தார்.

தோள்பட்டை காயம் காரணமாக ஒசாகா தொடரில் இருந்து வெளியேறினார். அவருக்குப் பதிலாக 10-ம் நிலை வீராங்கனையான கிகி பெர்ட்டென்ஸ் சேர்க்கப்பட்டார். கிகி பெர்ட்டென்ஸ் - ஆஷ்லே பார்ட்டி இடையிலான ஆட்டம் இன்று நடைபெற்றது.

முதல் செட்டை ஆஷ்லே பார்ட்டி 6-3 என எளிதில் கைப்பற்றினார். அதன்பின் கிகி பெர்ட்டென்ஸ் ஆக்ரோசமான ஆட்டத்தை வெளிப்படுத்தினார். அவரது ஆட்டத்திற்கு ஆஷ்லே பார்ட்டியால் ஈடுகொடுக்க முடியவில்லை.

இதனால் ஆஷ்லே பார்ட்டி 2-வது செட்டை 3-6 எனவும், 3-வது செட்டை 4-6 எனவும் அதிர்ச்சிகரமான வகையில் இழந்து தோல்வியைத் தழுவினார். இரண்டு மணி நேரம் போராடி முதல் நிலை வீராங்கனையை வீழ்த்தி அசத்தினார் கிகி பெர்ட்டென்ஸ்.