அறந்தாங்கி:
அறந்தாங்கி அருகே வல்லவாரி கிராமத்தைச் சேர்ந்தவர் சரோஜா(வயது 60) . இவர் அப்பகுதியில் பெட்டிகடை நடத்தி வருகிறார். நேற்று மாலை அவர் கடையில் இருந்த போது அங்கு வந்த 3 பேர் சரோஜா கழுத்தில் அணிந்திருந்த 4 சவரன் தங்க செயினை பறிக்க முயன்றனர்.
உடனே சரோஜா கூச்சலிட்டதும் அப்பகுதியில் இருந்தவர்கள் ஓடி வந்தனர். அவர்களை பார்த்த 3 பேரும் தப்பி ஓடினர். பொதுமக்கள் விரட்டி சென்று பிடித்ததில் தஞ்சாவூர் மாவட்டம் மதுக்கூரைச் சேர்ந்த தமிழன் என்பது தெரியவந்தது.
மற்ற இருவர் தப்பினர். பிடிபட்டவனை அறந்தாங்கி போலீஸ் நிலையத்தில் ஒப்படைத்தனர். போலீசார் விசாரணை நடத்தி வருகின்றனர்.