அரசு பொது தேர்வுகளில் மீண்டும் மாற்றமா?

கோடை விடுமுறைக்குப்பின் பள்ளிகள் திறந்த ஒரு வாரத்திலேயே, அரசு பொது தேர்வுகள் குறித்த பட்டியலை கடந்த 2 ஆண்டுகளாக பள்ளிக்கல்வித்துறை வெளியிட்டு வந்தது. ஆனால் இந்த ஆண்டு பள்ளிகள் திறக்கப்பட்டு 10 நாட்களுக்கு மேல் ஆகியும் இதுவரை அரசு பொது தேர்வுகள் தொடர்பான எந்த அறிவிப்பும் வெளியிடப்படவில்லை.

கடந்த ஆண்டு பிளஸ்-1, பிளஸ்-2 பொது தேர்வுகளில் பல்வேறு மாற்றங்களை கல்வித்துறை கொண்டு வந்தது. உதாரணமாக கடந்த ஆண்டில் பிளஸ்-1, பிளஸ்-2 பொதுத்தேர்வில் தமிழ், ஆங்கிலம் ஆகியவற்றில் இருந்த முதல் மற்றும் 2-ம் தாள் தேர்வு முறை மாற்றப்பட்டது.

அந்தவகையில் இந்த ஆண்டும் சில மாற்றங்கள் இருக்கின்றன என்று அமைச்சர் கூறியிருக்கும் நிலையில், என்ன மாற்றங்களுடன் பொதுத்தேர்வு பட்டியல் வெளியாகுமோ? என்ற எதிர்பார்ப்பில் மாணவர்களும், ஆசிரியர்களும் காத்து இருக்கின்றனர்.