காமன்வெல்த் போட்டி பிரமாண்ட கலைநிகழ்ச்சியுடன் நேற்று தொடங்கியது. போட்டிகள் இன்று முதல் நடைபெற்று வருகின்றன. பேட்மிண்டன் அணிகளுக்கான இடையிலான போட்டியில் ‘ஏ’ அணியில் இடம் பிடித்துள்ள இந்தியா, தனது முதல் ஆட்டத்தில் இலங்கையுடன் மோதியது.
இதில் இந்தியா 5-0 என்ற கணக்கில் அபார வெற்றி பெற்றது. ஆண்கள் ஒற்றையர் பிரிவில் ஸ்ரீகாந்த், பெண்கள் ஒற்றையர் பிரிவில் சாய்னா நேவால் வெற்றி பெற்றனர். ஆண்கள் இரட்டையர் பிரிவில் ரன்கிரெட்டி- சித்ரஸ்ரெட்டி ஜோடியும், பெண்கள் இரட்டையர் பிரிவில் அஸ்வினி போபண்ணா- சிக்கிரெட்டி ஜோடியும் கலப்பு இரட்டையர் பிரிவில் பிரைவ் சோப்ரா- ஷிவானி ஜோடியும் வெற்றி பெற்றன.
2-வது சுற்றில் பாகிஸ்தானை எதிர்கொண்டது. இதிலும் இந்திய அணி 5-0 என வெற்றி பெற்றது. ஐந்து பிரிவிலும் ஒரு கேம்ஸ்-ஐ கூட இந்திய அணி இழக்கவில்லை என்பது குறிப்பிடத்தக்கது. அடுத்த சுற்றில் இந்தியா ஸ்காட்லாந்தை எதிர்கொள்கிறது. இந்த ஆட்டம் நாளை நடைபெறுகிறது