புதுக்கோட்டை:
புதுக்கோட்டை மாவட்டம் அறந்தாங்கியில் ஒரு திருமண வரவேற்பு நிகழ்ச்சிக்கு சென்ற தமிழ்நாடு முன்னாள் காங்கிரஸ் கமிட்டி தலைவர் ஈ.வி.கே.எஸ்.இளங்கோவன் புதுக் கோட்டையில் நிருபர்களிடம் கூறியதாவது:-
தமிழக காங்கிரஸ் கட்சி புதிய மாவட்ட நிர்வாகிகள் தேர்வு செய்யபட்டற்கும், முன்னர் நன்றாக செயல்பட்ட தலைவர்களை மாற்றப்பட்டதற்கும் மேலிடத்தில் புகார் செயப்படும். தற்போது அதிமுக 3 அணியாக உள்ளது. இது 6 அணியாக மாற வாய்ப்பு உள்ளது.
தமிழக காங்கிரஸ் கட்சி தலைவர் திருநாவுக்கரசுக்கும், எனக்கும் கருத்து வேறுபாடு தவிர, மோதல்கள் கிடையாது. கடந்த ஜெயலலிதாவின் 5 ஆண்டு ஆட்சியில் இருந்த நிர்வாகம் தற்போது மிக மோசமாக உள்ளது. மூன்று தி.மு.க. எம்.எல்.ஏ.க்களை மருத்துவக்கல்லூரி திறப்பு விழாவிற்கு கலந்து கொள்ள விடாமல் கைது செய்தது மிகவும் கண்டிக்கதக்கது. இதில் அ.தி.மு.க. ஆட்சி அராஜக போக்காக செயல்படுகிறது.
இவ்வாறு அவர் கூறினார்.