மதுரை சிக்கந்தர்சாவடியை சேர்ந்தவர் முத்துக்குமார் (வயது 32). இவர் கார் வாடகைக்கு விடும் தொழில் செய்து வருகிறார். நேற்-று மாலை மதுரையிலிருந்து நத்தம் நோக்கி காரில் வந்து கொண்டிருந்தார்.
புதுக்கோட்டை முடக்-கு சாலை பகுதியில் வந்தபோது டிரைவரின் கட்டுப்பாட்டை இழந்த கார் சாலையோரம் இருந்த செல்வம் (54) என்பவரது வீட்டின் காம்பவுண்டு சுவரை இடித்து வீட்டிற்குள் இருந்த கார் மீதும் மோதியது.
செல்வம் தனது குடும்பத்துடன் லிங்கவாடியில் நடந்த கோவில் திருவிழாவிற்-கு சென்றுவிட்டார். இதனால் வீட்டில் யாரும் இல்லாததால் பெரும் விபத்து தவிர்க்கப்பட்டது.
இருந்த போதும் காம்பவுண்டு சுவரில் கார் மோதியதை கண்டு அக்கம் பக்கத்தில் இருந்தவர்கள் முத்துக்குமாரை பிடித்து நத்தம் போலீஸ் நிலையத்தில் ஒப்படைத்தனர்.