பூதலூர் அருகே லாரி மீது மோட்டார் சைக்கிள் மோதி வாலிபர் பலி

பூதலூர்:

பூதலூரை அடுத்த பாலையப்பட்டி கிராமத்தை சேர்ந்தவர் ராமமுர்த்தி (வயது34). இவரது மனைவி மகாலட்சுமி (30). இருவரும் மோட்டார் சைக்கிளில் வளப்பக்குடிக்கு சென்றனர். அப்போது திருக்காட்டுப்பள்ளி அருகே அடஞ்சூர் பிரிவு சாலை அருகே மற்றொரு மோட்டார் சைக்கிள் மோதியதில் 2 மோட்டார் சைக்கிள்களும் நிலை தடுமாறி எதிரில் வந்த லாரியில் மோதியது.

இதில் ராமமூர்த்தி சம்பவ இடத்திலேயே இறந்தார். மகாலட்சுமி, மற்றொரு மோட்டார் சைக்கிளில் வந்த பழமார்நேரி அக்ரஹாரம் முத்து(25) ஆகிய 2 பேரும் பலத்த காயமடைந்தனர். பின்னர் மகாலட்சுமி தஞ்சை மருத்துவ கல்லூரி மருத்துவமனையிலும், முத்து திருச்சி தனியார் மருத்துவமனையிலும் சேர்க்கப்பட்டனர்.

இதுகுறித்து மகாலட்சுமி கொடுத்த புகாரின் பேரில் திருக்காட்டுப்பள்ளி இன்ஸ்பெக்டர் கென்னடி வழக்கு பதிவுசெய்து விசாரணை மேற்கொண்டார்.