இந்திய டெலிகாம் சந்தையில் முன்னணி டெலிகாம் நிறுவனங்கள் தங்களின் சலுகை கட்டணங்களை சமீபத்தில் உயர்த்தின. ரிலையன்ஸ் ஜியோவும் தன் பங்கிற்கு பிரீபெயிட் சலுகை கட்டணங்களை உயர்த்தியது. பின், பயனர்களை மகிழ்விக்கும் நோக்கில் ரூ. 1 விலையில் சலுகையை அறிமுகம் செய்தது.
ரூ.1 ரிலையன்ஸ் ஜியோ சலுகையில் ஓரளவு சுமாரான பலன்களே வழங்கப்பட்ட நிலையில், தற்போது இந்த சலுகை நீக்கப்பட்டது. ஜியோ ரூ. 1 பிரீபெயிட் சலுகையில் 100 எம்.பி. அதிவேக 4ஜி டேட்டா 30 நாட்கள் வேலிடிட்டியுடன் வழங்கப்பட்டது. பின் இதன் பலன்கள் 10 எம்.பி.-யாக குறைக்கப்பட்டது.
குறைந்த விலை காரணமாக இந்த சலுகை பயனர்கள் மத்தியில் பெரும் வரவேற்பை பெற்றது. எனினும், ரூ. 1 ஜியோ சலுகை தற்போது ஜியோ அதிகாரப்பூர்வ வலைதளம் மற்றும் ஜியோ மொபைல் செயலியில் இருந்து நீக்கப்பட்டு இருக்கிறது.