புலனாய்வுத் துறை இயக்குநர் தபன் குமார் தேகாவின் பதவிக்காலம் 1 வருடம் நீட்டிப்பு.. யார் இவர்?

உளவுத்துறைப் பணியகத்தின் (IB) தலைவரான தபன் குமார் தேகாவுக்கு இரண்டாவது முறையாக ஒரு வருட பதவி நீட்டிப்பு வழங்கப்பட்டுள்ளது.

இன்று வெளியிடப்பட்ட உத்தரவில், அமைச்சரவையின் நியமனக் குழு, ஜூன் 2026 வரை அல்லது மறு உத்தரவு வரும் வரை, எது முன்னதாக வருகிறதோ அதுவரை, திரு. தபன் குமார் தேகாவின் பதவிக்காலத்தை ஒரு வருடத்திற்கு நீட்டிக்க ஒப்புதல் அளித்துள்ளதாக தெரிவிக்கப்பட்டுள்ளது.

தபன் குமார் தேகா, 1988 ஆம் ஆண்டு இமாச்சலப் பிரதேச பிரிவைச் சேர்ந்த இந்திய காவல் பணி (ஐபிஎஸ்) அதிகாரி ஆவார். பயங்கரவாதம் மற்றும் தீவிரவாதம் தொடர்பான வழக்குகளைக் கையாள்வதில் நிபுணத்துவம் பெற்றவர்.

ஜூன் 2022 இல் இரண்டு வருட காலத்திற்கு புலனாய்வுப் பணியகத்தின் தலைவராக இருந்தார். ஜூன் 2024 இல் ஒரு வருடத்திற்கு பதவி நீட்டிப்பு வழங்கப்பட்டது.

இந்நிலையில் பஹல்காம் தாக்குதல், ஆபரேஷன் சிந்தூருக்கு பிறகு அவருக்கு மேலும் 1 வருட பதவி நீட்டிப்பு வழங்கப்பட்டுள்ளது முக்கியத்துவம் வாய்ந்ததாகப் பார்க்கப்படுகிறது.