3 லட்சம் வாக்கு வித்தியாசத்தில் வெற்றி பெறுவேன் - ஏ.சி.சண்முகம்

வேலூர்:

வேலூர் மக்களவை தொகுதிக்கு இன்று காலை வாக்குப்பதிவு தொடங்கியது.

வேலூர் தொகுதியில் அ.தி.மு.க. கூட்டணி சார்பில் போட்டியிடும் புதிய நீதிக் கட்சித் தலைவர் ஏ.சி.சண்முகம் வள்ளலார் நகரில் வாக்குச்சாவடி மையத்தை பார்வையிட்டார்.

அப்போது அவர் நிருபர்களிடம் கூறியதாவது:

எந்த வேலையாக இருந்தாலும் ஒத்திவைத்துவிட்டு மக்கள் வாக்களிக்க வேண்டும். வாக்களிப்பது என்பது நமது ஜனநாயக கடமை. 100 சதவிகித வாக்காளர்களும் வாக்களிக்க வேண்டும்.

வேலூர் மக்களவை தொகுதி தேர்தலில் 2 முதல் 3 லட்சம் வாக்குகள் வித்தியாசத்தில் வெற்றி பெறுவேன்.

இவ்வாறு அவர் கூறினார்.