நாமக்கல்:
நாமக்கல் நகராட்சி 38-வது வார்டு கொண்டிசெட்டிபட்டி கணபதி நகர் பகுதியை சேர்ந்த யோகேந்திரன்-திவ்யா தம்பதியினரின் மகள் ரோஷிணி (வயது 6). இவர் 1-ம் வகுப்பு படித்து வந்தார்.
இந்த ரோஷிணிக்கு கடந்த 4 நாட்களுக்கு முன்பு காய்ச்சல் பாதிப்பு ஏற்பட்டுள்ளது. இதனையடுத்து அவர் நாமக்கல் அரசு மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்ட நிலையில் நேற்று டெங்கு காய்ச்சல் உறுதி செய்யப்பட்டது. இந்நிலையில் அவருக்கு தொடர் சிகிச்சை அளிக்கப்பட்டது.
இந்த நிலையில் அவரது உடல்நிலை மோசமானதை தொடர்ந்து அவரை மேல் சிகிச்சைக்காக சேலம் அரசு மருத்துவமனைக்கு அனுப்பி வைத்தனர். அவர் ஆம்புலன்ஸ் மூலம் சேலம் மருத்துவமனைக்கு கொண்டு சென்ற போது அவரை பரிசோதித்த டாக்டர்கள் அவர் உயிரிழந்து விட்டதாக தெரிவித்தனர். தனது மகளுக்கு நாமக்கல் அரசு மருத்துவமனையில் உரிய சிகிச்சை அளிக்கவில்லை என்றும் மருத்துவர்கள் மெத்தன போக்கோடு செயல்பட்டதே உயிரிழப்புக்கு காரணம் என்று பெற்றோர்கள் குற்றம் சாட்டினர்.
