புதுடெல்லி:
இந்தியாவின் 14-ஆவது ஜனாதிபதியாக ராம்நாத் கோவிந்த் நேற்று பொறுப்பேற்றுக் கொண்டார். ஜனாதிபதி மாளிகையில் நடந்த விழாவில் பிரதமர் மோடி, பா.ஜ.க. மூத்த தலைவர் எல்.கே.அத்வானி, காங்கிரஸ் தலைவர் சோனியா, முன்னாள் பிரதமர் மன்மோகன் சிங், மத்திய மந்திரிகள் உள்ளிட்ட பலர் கலந்து கொண்டனர்.
புதிதாக பொறுப்பேற்றுக் கொண்ட ஜனாதிபதி ராம்நாத் கோவிந்தை மரியாதை நிமித்தமாக முக்கிய தலைவர்கள் பலர் சந்தித்து வாழ்த்து தெரிவித்து வருகின்றனர்.
இந்நிலையில், பா.ஜ.க. தேசிய தலைவர் அமித் ஷா இன்று ஜனாதிபதி மாளிகைக்கு சென்று ராம்நாத் கோவிந்தை மரியாதை நிமித்தமாக சந்தித்தார்.
இதுதொடர்பாக, ஜனாதிபதி மாளிகை வெளியிட்டுள்ள செய்தியில், “ஜனாதிபதி ராம்நாத் கோவிந்தை பா.ஜ.க. தலைவர் அமித்ஷா மரியாதை நிமித்தமாக சந்தித்து பேசினார். இதேபோல், பல மாநிலங்களின் முதல் மந்திரிகள் மற்றும் முக்கிய கட்சி தலைவர்கள் பலர் மரியாதை நிமித்தமாக ஜனாதிபதியை சந்தித்து செல்கின்றனர்’’ என தெரிவிக்கப்பட்டுள்ளது.
