ஊத்துக்கோட்டையில் கல்வித்துறை அதிகாரி வீட்டில் நகை-பணம் கொள்ளை

ஊத்துக்கோட்டை:

ஊத்துக்கோட்டை மாதா கோவில் தெருவை சேர்ந்தவர் ரவீந்தரகுமார். கல்வித்துறை சூப்பிரண்டாக பணிபுரிந்து வருகிறார்.

இவர் கடந்த 1-ந்தேதி வீட்டை பூட்டி விட்டு மனைவியுடன் போரூரில் உள்ள உறவினர் வீட்டிற்கு சென்றார்.

நேற்று மாலை திரும்பி வந்த போது வீட்டின் கதவு பூட்டு உடைக்கப்பட்டிருந்தது. உள்ளே சென்று பார்த்த போது பீரோவில் இருந்த 6 சவரன் தங்க நகைகள், ரூ. 35 ஆயிரம் ரொக்கத்தை காணவில்லை. வீட்டில் ஆட்கள் இல்லாததை நோட்ட மிட்டு மர்ம கும்பல் நகை- பணத்தை கொள்ளையடித்து சென்று இருப்பது தெரிந்தது.

இது குறித்து ரவீந்தரகுமார் ஊத்துக்கோட்டை போலீஸ் நிலையத்தில் புகார் செய்தார். போலீசார் வழக்கு பதிவு செய்து விசாரணை நடத்தி வருகின்றனர்.