டாவோஸ்:
சுவிட்சர்லாந்தின் டாவோஸ் நகரில் நடைபெற்ற உலக பொருளாதார மாநாட்டை முடித்துக் கொண்டு, பிரதமர் மோடி இந்தியா திரும்புகிறார்.
சுவிட்சர்லாந்தில் உள்ள டாவோஸ் நகரில் 48-வது உலக பொருளாதார மாநாடு இன்று தொடங்கியது. இந்த மாநாடு 26-ம் தேதி வரை 4 நாட்கள் நடக்கிறது. இந்த மாநாட்டில் பங்கேற்பதற்காக இந்திய பிரதமர் நரேந்திர மோடி நேற்று சுவிட்சர்லாந்து வந்து சேர்ந்தார்.
அவருடன் மத்திய மந்திரிகள் சுரேஷ்பிரபு, பியூஸ்கோயல், தர்மேந்திரபிரதான், மராட்டிய முதல்-மந்திரி பட்னாவிஸ், ஆந்திர முதல்-மந்திரி சந்திரபாபு நாயுடு மற்றும் முகேஷ் அம்பானி, ஆசிம்பிரேம்ஜி, ராகுல்பஜாஜ் உள்ளிட்ட தொழில் அதிபர்களும் இந்த மாநாட்டில் கலந்து கொண்டுள்ளனர். சுவிட்சர்லாந்து வந்த மோடியை அந்நாட்டு பிரதமர் ஸ்டீபன் லோப்வென் நேரில் சென்று வரவேற்றார்.
உலக பொருளாதார மாநாட்டில் இன்று பேசிய பிரதமர் மோடி, வாழ்வின் முழுப்பலனை அனுபவித்து வளமாகவும் நலமாகவும் அமைதியாகவும் வாழ வேண்டும் என்றால் இந்தியாவுக்கு வாருங்கள் என குறிப்பிட்டார். இந்தியாவில் தொழில் தொடங்க வாருங்கள் என அனைவரையும் ஊக்குவிக்கும் வகையில் பேசினார்.
மாநாட்டி பேசி முடித்த பின்னர், பிரதமர் மோடி இந்தியாவுக்கு புறப்பட்டார். ஏர் இந்தியா விமானத்தில் இந்தியா திரும்பும் அவரை இந்திய தூதரக அதிகாரிகள் மற்றும் சுவிட்சர்லாந்து அதிகாரிகள் வழியனுப்பி வைத்தனர். #WorldEconomicForum #wef18 #Davos #Modi #NarendraModi #tamilnews
