என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
வைரலாகும் டோனி - ஹர்திக் பாண்டியா ஓட்டப்பந்தய வீடியோ
Byமாலை மலர்13 Dec 2017 7:48 AM GMT (Updated: 13 Dec 2017 7:48 AM GMT)
இந்திய கிரிக்கெட் வீரர் டோனிக்கும், ஆல்-ரவுண்டர் ஹர்திக் பாண்டியாவுக்கும் இடையே நடைபெற்ற ஓட்டப்பந்தயத்தின் வீடியோ இணையதளத்தில் வெளியிடப்பட்டு வைரலாக பரவிவருகிறது.
மொகாலி:
உலகின் அதிவேகமாக ஓடக்கூடியவர் என்று அனைவராலும் குறிப்பிடப்படுபவர் ஜமைக்காவின் ஓட்டப்பந்தய வீரரான உசேன் போல்ட். 2009ல் பெர்லினில் நடந்த ஓட்டப்பந்தயத்துக்கான உலக சாம்பியன் ஷிப் போட்டியில் இவர் 100 மீட்டர் பிரிவில் முதல் இடம் பிடித்தார். அவர் 100 மீட்டரை 9.58 நொடிகளில் கடந்தார். இதுதான் இப்போது வரை உலகின் மிகவும் வேகமான ஓட்டமாக இருக்கிறது.
இதேபோல் இந்திய கிரிக்கெட் அணியின் முன்னாள் கேப்டன் டோனியும் அவரது ஓட்டத்திற்கு பெயர் போனவர். அவர் 20 மீட்டர் தூரத்தை கடப்பதற்கு 2.7 நொடிகள் எடுத்துக்கொள்கிறார். ஆனால் முதல் 20 மீட்டர் தூரத்தை கடக்க மட்டுமே அவர் இவ்வளவு நேரம் எடுக்கிறார். மற்ற 80 மீட்டர் தூரத்தை அவர் இதைவிட வேகமாக கடக்கிறார்.
இந்நிலையில், டோனி தனது ஓட்டத்திறமையை மீண்டும் இன்று நிரூபித்து காட்டியுள்ளார். இந்தியா மற்றும் இலங்கை அணிகளுக்கு இடையேயான இரண்டாவது ஒருநாள் போட்டி பஞ்சாப் மாநிலத்தின் மொகாலியில் இன்று நடைபெறுகிறது. இந்த போட்டிக்கு முன்னதாக இரு அணியினரும் பயிற்சி மேற்கொண்டனர்.
இந்த பயிற்சியின் போது இந்திய அணி வீரர்கள் ஓட்டப்பந்தய போட்டி நடத்தினர். இதில் இளம் இந்திய அணி வீரர்களுடன், 36 வயதாகும் டோனியும் கலந்துகொண்டார். போட்டி தொடங்கியதும் வழக்கம் போல டோனி முதல் ஆளாக ஓடினார். மற்ற வீரர்கள் அவரது வேகத்திற்கு ஈடுகொடுக்க முடியாமல் நின்றுவிட்டனர்.
ஆனால் 24 வயது இளம் வீரரான ஹர்திக் பாண்டியா மட்டும் டோனிக்கு ஈடுகொடுத்து ஓடினார். இந்த ஓட்டப்பந்தயத்தில் டோனி பாண்டியாவை விட வேகமாக ஓடி, மீண்டும் தனது உடற்தகுதியை வெளிப்படுத்தியுள்ளார். 36 வயதுடைய வீரர், 24 வயதுடைய வீரரை காட்டிலும் வேகமாக ஓடி, வயது உடற்தகுதிக்கு ஒருபோதும் தடையாக இருக்காது என்பதை தோனி நிரூபித்து காட்டியுள்ளார்.
இந்த வீடியோ தற்போது இளையதளத்தில் வெளியிடப்பட்டு வைரலாக பரவிவருகிறது. கடந்த மாதமும் 23 வயது வீரரான அக்ஷர் பட்டேல் டோனியுடன் ஓட்டப்பந்தயத்தில் கலந்துகொண்டு தோல்வியடைந்தார் என்பது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X