அதிக ரன்கள் குவித்ததில் அசாருதீனை முந்திய டோனி

ஆன்டிகுவா:

வெஸ்ட் இண்டீசுக்கு எதிரான 3-வது ஒரு நாள் போட்டியில் இந்தியாவின் வெற்றிக்கு டோனி முக்கிய பங்கு வகித்தார். அவர் 35 வயதிலும் 78 ரன்கள் குவித்து தனது திறமையை வெளிப்படுத்தினார்.

15-வது ரன்னை எடுத்த போது டோனி ஒரு நாள் போட்டியில் அதிக ரன் எடுத்த இந்திய வீரர்களில் 4-வது இடத்தை பிடித்தார். அவர் அசாருதீனை முந்தினார். தெண்டுல்கர், கங்குலி, டிராவிட் ஆகியோருக்கு அடுத்த படியாக டோனி உள்ளார்.



அவர் 294 ஒரு நாள் போட்டியில் விளையாடி 9442 ரன் எடுத்துள்ளார். இதில் 10 சதமும், 63 அரை சதமும் அடங்கும். சராசரி 51.31 ஆகும். அதிகபட்சமாக 183 ரன் குவித்துள்ளார். அசாருதீன் 334 போட்டியில் விளையாடி 9378 ரன் எடுத்து உள்ளார்.

ஒரு நாள் போட்டியில் அதிக ரன் எடுத்த ‘டாப் 5’ இந்திய வீரர்கள் விவரம்:-

1. தெண்டுல்கர் -18,426 ரன்

(463 ஆட்டம்)

2. கங்குலி- 11,363 ரன் (404)

3. டிராவிட்- 10,889 ரன் (344)

4. டோனி- 9442 ரன் (294)

5. அசாருதீன்-9378 ரன் (334)