மட்டன் மிளகாய் சுக்கா வறுவல்

தேவையான பொருட்கள் :

மட்டன் - அரை கிலோ
இஞ்சிபூண்டு விழுது - 1 மேசைக்கரண்டி
மிளகாய்த்தூள் - 2 மேசைக்கரண்டி அல்லது தேவைக்கு
மஞ்சள்தூள் - 1 மேசைக்க்ரண்டி
எண்ணெய் - 3/4 கோப்பை
ப.மிளகாய் - 4
கொத்தல்லி - சிறிதளவு,
உப்பு - தேவையான அளவு



செய்முறை :

* மட்டனை நன்றாக கழுவி சுத்தம் செய்து சிறு துண்டுகளாக வெட்டி வைக்கவும்.

* கொத்தமல்லி, ப.மிளகாயை பொடியாக நறுக்கி கொள்ளவும்.

* கழுவி மட்டனை ஒரு பாத்திரத்தில் போட்டு அதனுடன் மஞ்சள்தூள், உப்பு சேர்த்துப் பிசறி வைக்கவும். அரை மணி நேரம் கழித்து நன்கு கழுவி எடுக்கவும்.

* குக்கரில் மட்டனை போட்டு அதனுடன் மஞ்சள் தூள், உப்பு, மிளகாய்த்தூள் இஞ்சி பூண்டு விழுது சேர்த்து நன்றாக கலந்து குக்கரை மூடி 7 விசில் போட்டு இறக்கவும். தண்ணீர் அதிகம் சேர்க்க கூடாது.

* வாணலியில் எண்ணெய் விட்டு, சூடானதும் அதில் ப.மிளகாயை போட்டு தாளித்த பின்னர் வேக வைத்த மட்டனை போட்டு நன்கு வறுத்தெடுக்கவும்.

* துண்டுகள் ஒன்றுடன் ஒன்று ஒட்டாமல் வரும்வரை வறுக்க வேண்டும். நன்றாக வெந்து உதிரியாக வந்ததும் கடைசியாக கொத்தமல்லி தழை தூவி இறக்கவும்.

* சூப்பரான மட்டன் மிளகாய் சுக்கா வறுவல் ரெடி.

குறிப்பு:

இளங்கறியாக இருந்தால் அரை வேக்காடு போதும். காரம் அவரவர் விருப்பத்துக்கேற்ப சேர்த்துக் கொள்ளவும். எண்ணெய் சற்றுத் தாரளமாக இருப்பதுதான் சுக்காவுக்கே சுவை. கரம் மசாலா தேவையென்றால் சேர்த்துக் கொள்ளவும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.