கேரளா ஸ்டைல் இறால் பெப்பர் மசாலா

தேவையான பொருட்கள் :

இறால் - 250 கிராம்,
பொடியாக நறுக்கிய பூண்டு - 1 டேபிள்ஸ்பூன்,
பொடியாக நறுக்கிய இஞ்சி - 1 டேபிள்ஸ்பூன்,
நறுக்கிய பச்சைமிளகாய் - 2,
வெங்காயம் - 1,
தக்காளி - 1,
மிளகாய்த்தூள் - 1 டீஸ்பூன்,
தனியாத்தூள் - 1 டீஸ்பூன்,
மஞ்சள் தூள் - 1/4 டீஸ்பூன்,
சீரகத்தூள் - 1/2 டீஸ்பூன்,
மிளகுத்தூள் - 1 டீஸ்பூன்,
உடைத்த மிளகு - 1 டேபிள்ஸ்பூன்,
தேங்காய் பால் - 1 கப்,
தேங்காய் பால் - 1 கப்,
கோகம் புளி - 2 சின்ன துண்டுகள்,
உப்பு, எண்ணெய் - தேவைக்கு,
கறிவேப்பிலை - 1 கொத்து.



செய்முறை :

* தக்காளி, வெங்காயத்தை பொடியாக நறுக்கி கொள்ளவும்.

* கடாயில் எண்ணெயை ஊற்றி இஞ்சி, பூண்டு போட்டு நன்கு வதக்கி, பச்சைமிளகாய், வெங்காயம் சேர்த்து பொன்னிறமாக வதக்கவும்.

* வெங்காயம் நன்றாக வதங்கியதும் இத்துடன் தக்காளியை சேர்த்து மசிய வதக்கவும்.

* தக்காளி நன்றாக வதங்கியதும் மசாலாத்தூள்கள் அனைத்தையும் போட்டு உப்பு சேர்த்து நன்கு வதக்கவும்.

* பின்பு தேங்காய் பாலை சேர்த்து ஒரு கொதி வந்ததும், இறால், கோகம் புளி போட்டு வேகவிடவும்.

* தேங்காய் பால் நன்கு வற்றியதும், உடைத்த மிளகு, சிறிது எண்ணெய் சேர்த்து இறக்கவும்.

* கறிவேப்பிலையை தூவி அலங்கரித்து பரிமாறவும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.