என் மலர்

    நீங்கள் தேடியது "suffering"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தி.மு.க. அரசை கண்டித்து திருவாரூர் ரெயில் நிலையம் முன்பு அ.தி.மு.க சார்பில் ஆர்ப்பாட்டம் நடைபெற்றது.
    • கனமழையால் குறுவை சாகுபடி நெற்பயிர்கள் மழைநீரில் சாய்ந்துள்ளன.

    திருவாரூர்:

    மின் கட்டண உயர்வை திரும்ப பெற வலியுறுத்தியும், தி.மு.க. அரசை கண்டித்தும் திருவாரூர் புதிய ரயில் நிலையம் முன்பு அ.தி.மு.க சார்பில் ஆர்ப்பாட்டம் நடைபெற்றது. இதற்கு முன்னாள் உணவுத்துறை அமைச்சரும் மாவட்ட செயலாளருமான இரா.காமராஜ் எம்.எல்.ஏ. தலைமை வகித்தார். இதில் கட்சியின் அமைப்பு செயலாளர்கள் கோபால், சிவா ராஜமாணிக்கம், ஒன்றிய செயலாளர்கள் பாப்பா சுப்பிரமணியன், மணிகண்டன், குணசேகரன் உள்ளிட்ட ஏராளமான அ.தி.மு.க.வினர் கலந்து கொண்டனர்.

    ஆர்ப்பாட்டத்தில் இரா.காமராஜ் எம்.எல்.ஏ. பேசியதாவது:-

    முன்னாள் முதல்வர் ஜெயலலிதாவின் தாலிக்கு தங்கம், மானிய விலையில் ஸ்கூட்டர் வழங்குதல், மாணவர்களுக்கு மடிக்கணினி வழங்கும் திட்டம் உள்ளிட்ட பல்வேறு திட்டங்களை ரத்து செய்ததை தவிர வேறு எந்த சாதனையும் தி.மு.க. செய்யவில்லை. மாணவ -மாணவிகளுக்கு சைக்கிள் வழங்கும் திட்டத்தையும் கைவிடப் போகிறார்கள் என்ற தகவல்கள் வருகிறது. திமுக ஆட்சி காலம் முடிவதற்குள் தமிழ்நாடு நுகர்பொருள் வாணிப கழகத்தை மொத்தமாக காலி செய்து விடுவார்கள் என்ற நிலை உள்ளது.

    மின் கட்டண உயர்வால் மக்கள் அவதிப்படுகிறார்கள். மக்களின் துயரத்தை வெளிப்படுத்தவே இந்த ஆர்ப்பாட்டம் நடைபெறுகிறது. கனமழையினால் குறுவை சாகுபடி நெற்பயிர்கள் மழை நீரில் சாய்ந்துள்ளன. இதற்கு உரிய நிவாரணம் வழங்க வேண்டும். இவ்வாறு அவர் பேசினார்.

    இந்த ஆர்ப்பாட்டத்தில் ஏராளமானோர் கலந்து கொண்டு தி.மு.க. அரசை கண்டித்தும், மின் கட்டண உயர்வை திரும்ப பெற வலியுறுத்தியும் கோஷங்கள் எழுப்பினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாணவ- மாணவிகள் பள்ளி, கல்லூரிகளுக்கு உரிய நேரத்தில் செல்ல முடியாமல் அவதியடைந்து வந்தனர்.
    • முதல்- அமைச்சர் தங்கள் தொகுதியில் பல ஆண்டுகளாக தீர்க்கப்படாத பிரச்சனைகளை பட்டியலிட அறிவுறுத்தியுள்ளார்.

    சீர்காழி:

    மயிலாடுதுறை மாவட்டம் சீர்காழியிலிருந்து காத்திருப்பு கண்டமங்கலம், கொண்டத்தூர், பாகசாலை, கதிராமங்கலம், வைத்தீஸ்வரன் கோயில் உள்ளிட்ட பல்வேறு கிராமங்கள் வழியாக மயிலாடுதுறைக்கு அரசு பஸ் இயங்கி வந்தது.

    இந்த அரசு பஸ் சேவை 10 ஆண்டுகளாக நிறுத்தப்பட்டது.

    இதனால் 20க்கும் மேற்பட்ட கிராமங்களை சேர்ந்த பள்ளி, கல்லூரி மாணவ- மாணவிகள் பள்ளி, கல்லூரிகளுக்கும், கிராம மக்கள் தாங்கள் செல்ல வேண்டிய இடங்களுக்கும் உரிய நேரத்தில் செல்ல முடியாமல் அவதி அடைந்து வந்தனர்.

    இது குறித்து சீர்காழி எம்.எல்.ஏ பன்னீர்செல்வத்திடம் கிராம மக்கள் சார்பில் காத்திருப்பு ஊராட்சி மன்ற தலைவர் அன்புமணிமணிமாறன் கோரிக்கை விடுத்தார்.

    இதனை அடுத்து நிறுத்தப்பட்ட அரசு பஸ் சேவை மீண்டும் இயக்க நடவடிக்கை எடுக்கப்பட்டது. அதனைத் தொடர்ந்து நிறுத்தப்பட்ட பஸ் சேவை தொடக்க விழா காத்திருப்பு கிராமத்தில் ஊராட்சி மன்ற தலைவர் அன்புமணிமணிமாறன் தலைமையில் நடைபெற்றது.

    இதில் காத்திருப்பு ஊராட்சி மன்ற தலைவர் அன்புமணி மணிமாறன் மற்றும் அரசு போக்குவரத்துக் கழக மண்டல மேலாளர் மகேந்திர குமார், மயிலாடுதுறை கிளை மேலாளர் ராமமூர்த்தி முன்னிலை வகித்தனர்.

    பன்னீர்செல்வம் எம்.எல்.ஏ. கலந்து கொண்டு பஸ் சேவை கொடியசைத்து தொடங்கி வைத்து பேசுகையில், தமிழக முதல் அமைச்சர் தொகுதியில் பல ஆண்டுகளாக தீர்க்கப்படாத பிரச்சனைகளை பட்டியலிட அறிவுறுத்தியுள்ளார்.

    அதன்படி சீர்காழி சட்டமன்றத் தொகுதியிலும் நீண்ட ஆண்டு பிரச்சனைகள் பட்டியலிடப்பட்டு வருகிறது. மக்களின் தேவைகளை அறிந்து முதல் அமைச்சர் சிறப்பாக சேவையாற்றி வருகிறார் என்றார்.

    பின்னர் அதே பஸ்சில் காத்திருப்பில் இருந்து சீர்காழி வரை 4 கிலோமீட்டர் தூரம் மக்களோடு எம்.எல்.ஏ பயணம் செய்தார்.

    இதில் தொ.மு.ச மத்திய சங்க பொறுப்பாளர்கள் இளங்கோவன், வெங்கடேசன், பத்மநாபன் மற்றும் திமுக நிர்வாகி மணிமாறன் பங்கேற்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மதுரையில் மாலை நேர மழையால் சாலைகளில் வெள்ளம் பெருக்கெடுத்து ஓடியது.
    • பழுதான ரோடுகளில் செல்வதில் வாகன ஓட்டிகள் அவதியடைந்து வந்தனர்.

    மதுரை

    மதுரை மாவட்டத்தில் தினமும் பகல் நேரங்களில் வெயில் வாட்டி வதைக்கி றது. ஆனால் மாலை நேரங்களில் திடீரென கருமேகங்கள் சூழ்ந்து கனமழை பெய்து அதிரடி காட்டி வருகிறது. வழிமண்டல கீழடுக்கு சுழற்சி காரணமாக நேற்று மாலையும் கனமழை கொட்டியது.

    இதன் காரணமாக முக்கிய சாலைகளில் வெள்ளம் கரைபுரண்டு ஓடியது. பெரியார் பஸ் நிலையம், காளவாசல், பழங்காநத்தம் உள்ளிட்ட முக்கிய பகுதிகளில் மழை நீர் தேங்கியதால் போக்குவரத்து பாதிக்கப்பட்டன.

    காளவாசல்-தேனி பிரதான சாலையில் ஒவ்வொரு முறை மழை பெய்யும்ேபாதும் குளம்போல் மழைநீர் தேங்கி விடுகிறது. இதனால் பொதுமக்கள் மிகவும் சிரமம் அடைந்து வருகின்றனர். எனவே அந்த பகுதியில் மழை வெள்ளம் வடிய தேவையான வசதிகளை செய்ய வேண்டும் என பொதுமக்கள் எதிர்பார்க்கின்றனர்.

    மதுரை மாநகரில் மழையில் பலசாலைகள் சேதமாகி குண்டும், குழியுமாக உள்ளன. சேதமடைந்த சாலைகள் மற்றும் வீதிகளில் மழை நீர் தேங்கியதால் பொதுமக்கள் வாகனங்களில் செல்ல முடியாமல் அவதிபட்டனர். சிலர் வாகனங்களுடன் மழைநீரில் விழுந்து எழுந்து சென்றனர்.

    மதுரை நகர் பகுதிகளில் பி.பி.குளம் சந்திப்பு உள்ளிட்ட பல்வேறு இடங்களில் சாலைகள் குண்டும், குழியுமாக காணப்படு கிறது. இதில் மழை நீரும் தேங்குவதால் மக்கள் சிரமம் அடைந்து வருகின்றனர். இந்த சாலை களை உடனடியாக சரி செய்ய வேண்டும் என்று பொது மக்கள் கோரிக்கை விடுத்துள்ளனர்.

    மேலும் மதுரை மாநகராட்சி விரிவாக்க பகுதிகளான திருப்பரங்குன்றம் அவனியாபுரம், பெருங்குடி ஆனையூர், பார்க் டவுன், கோசாக்குளம் உள்ளிட்ட பகுதிகளில் பாதாள சாக்கடை மற்றும் குடிநீர் குழாய் பதிக்க தோண்டப்பட்ட குழிகள் சரியாக மூடப்படாததால் பல்வேறு வீதிகளில் குண்டும் குழியும், சேறும் சகதியும் இருக்கிறது. இதனால் பொதுமக்கள் வீதிகளில் நடந்து செல்லவும், வாகனங்களில் செல்லவும் முடியாமல் அவதிப்பட்டு வருகிறார்கள்.

    எனவே இந்த பணிகளையும் விரைவுபடுத்தி உடனடியாக சாலைகளை சீரமைத்து தர பொதுமக்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஈரோடுக்கு பஸ் வசதி இல்லாததால் தொழிலாளிகள் தங்கள் பகுதிகளுக்கு செல்ல முடியாத சூழல் ஏற்படுகிறது.
    • இதனால் இரவு 9 மணிக்கு மேல் ஈரோட்டிற்கு பஸ்களை இயக்க போக்குவரத்துக்கழகம் நடவடிக்கை எடுக்க வேண்டுமென பொதுமக்களும் தொழிலாளர்களும் கேட்டுக்கொண்டுள்ளனர்.

    குமாரபாளையம்:

    குமாரபாளையம் பகுதி பல்வேறு தொழில் நிறுவனங்களை கொண்ட நகரமாக விளங்குகிறது. இங்கு பணிபுரிய பல்வேறு இடங்களில் இருந்து வருகின்றனர்.இவர்கள் பணி முடிந்து இரவு வீட்டிற்கு திரும்ப இரவு 9 மணிக்கும் மேல் ஆகிறது.

    அந்த நேரத்தில் பஸ் வசதி இல்லாததால் தொழிலாளிகள் தங்கள் பகுதிகளுக்கு செல்ல முடியாத சூழல் ஏற்படுகிறது. குமாரபாளையத்தில் முன்பெல்லாம் இரவு 11 மணி வரைக்கும் ஈரோடுக்கு பஸ் சென்று வந்தது.

    இப்போது இரவு 9 மணிக்கு மேல் பஸ் இல்லை.இரவு 9 மணிக்கு குமாரபாளையம் பஸ் நிலையத்தில் 3 அரசு டவுன் பஸ்கள் ஒரே நேரத்தில் வருகிறது. பயணிகள் ஏற முயற்சித்தால் பஸ்கள் டெப்போவிற்கு போகிறது, யாரும் ஏறாதீர்கள் என்று கூறிவிட்டு பஸ்களை எடுத்து சென்று விடுகிறார்கள்.

    இதனால் பயணிகள் தவிப்புக்கு ஆளாகும் நிலை ஏற்படுகிறது. எனவே பொதுமக்கள், தொழிலாளர்களின் சிரமத்தை போக்கும் வகையில் குமார பாளையத்தில் இருந்து இரவு 9 மணிக்கு மேல் ஈரோட்டிற்கு பஸ்களை இயக்க போக்குவரத்துக்கழகம் நடவடிக்கை எடுக்க வேண்டுமென பொதுமக்களும் தொழிலாளர்களும் கேட்டுக்கொண்டுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த கடையில் மது வாங்கி குடிப்பவர்கள் அந்த வழியாக செல்லும் பொதுமக்களை கேலிக் கிண்டல் செய்து வந்தனர்.
    • டாஸ்மாக் கடையை அகற்ற கோரி அப்பகுதியில் உள்ள 100-க்கும் மேற்பட்ட கடைகள் அடைக்கப்பட்டன.

    தஞ்சாவூர்:

    தஞ்சை பழைய பஸ் நிலையம் அருகே மாட்டு மேஸ்திரி சந்து, சுல்தானியப்பா சந்து உள்ளது.

    இந்த பகுதியில் டாஸ்மாக் கடை அமைந்துள்ளது.

    இந்த கடையில் மது வாங்கி குடிப்பவர்கள் அந்த வழியாக செல்லும் பொது மக்களை கேலிக் கிண்டல் செய்து வந்தனர்.

    இதனால் இந்த டாஸ்மாக் கடையை கடந்து செல்லவே பொதுமக்கள் அச்சப்பட்டனர்.

    மேலும் அப்பகுதியில் உள்ள வியாபாரிகளும் அவதி அடைந்தனர்.

    இதனால் இந்த டாஸ்மாக் கடையை அகற்ற வேண்டும் என பொதுமக்கள், வியாபாரிகள் தொடர்ந்து கோரிக்கை விடுத்து வந்தனர்.

    ஆனால் டாஸ்மாக் கடை அகற்றப்படவில்லை.

    இதனால் ஆத்திரமடைந்த வியாபாரிகள், பொதுமக்கள் இன்று வணிகர் சங்க நிர்வாகி வாசு, தமிழக மக்கள் வாழ்வுரிமை இயக்க தலைவர் ரவிச்சந்திரன் ஆகியோர் தலைமையில் அந்த டாஸ்மாக் கடை முன்பு திரண்டனர்.

    தகவல் அறிந்த போலீசார் சம்பவ இடத்திற்கு விரைந்து வந்து சமரச பேச்சுவார்த்தை நடத்தினர்.

    இதையடுத்து வியாபாரிகள் அங்கிருந்து புறப்பட்டு கலெக்டர் அலுவலகத்தில் மனு கொடுக்க சென்றனர்.

    இதற்கிடையே டாஸ்மாக் கடையை அகற்ற கோரி அந்தப் பகுதியில் உள்ள 100-க்கும் மேற்பட்ட கடைகள் அடைக்கப்பட்டன. இதனால் அந்த பகுதி வெறிச்சோடி காணப்பட்டது.

    மேலும் பாதுகாப்புக்காக போலீசார் குவிக்கப்பட்டுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பள்ளி மற்றும் கல்லூரி மாணவர்கள் உரிய நேரத்திற்கு செல்ல இயலாமல் சிரமமடைகின்றனர்.
    • மாற்றுவழி சாலை இல்லாத காரணத்தினால் பயணிகள் பெரிதும் அவதிக்குள்ளாகிறார்கள்.

    நன்னிலம்:

    திருவாரூர் மாவட்டம், நன்னிலம் அடுத்துள்ள சன்னாநல்லூரில், நன்னிலம் ரெயில்வே ஸ்டேஷன் அமைந்துள்ளது. ரெயில் நிலையத்திற்கு அருகில், கும்பகோணம் - நாகப்பட்டினம் நெடுஞ்சாலை அமைந்துள்ளது. நெடுஞ்சாலையில் ரெயில்வே கேட் அமையப் பெற்றுள்ளது.

    காலை, மாலை நேரங்களில், ரெயில் போக்குவரத்திற்காக, ரெயில்வே கேட் மூடப்படும் போது, சாலை மார்க்க பயணிகள், பெரிதும் அவதிக்கு உள்ளாகிறார்கள்.

    கும்பகோணம் மற்றும் நாகப்பட்டினத்திற்கு செல்லக்கூடிய பயணிகள், உரிய நேரத்திற்கு அலுவலகம் மற்றும் வங்கிகளுக்கு செல்ல இயலாமல் பள்ளி, கல்லூரி மாணவர்கள் மற்றும் பள்ளி, கல்லூரி வாகனங்கள், உரிய நேரத்திற்கு செல்ல இயலாமல் சிரமம் அடைகின்றனர்.

    மேலும் ரெயில் வருகைக்காக, சில நேரங்களில் நீண்ட நேரம், ரெயில்வே கேட் மூடப்படுவதால், அவசரப் பயணம் மேற்கொள்ளக் கூடிய பயணிகள், பெரிதும் அவதிக்கு உள்ளாகிறார்கள். சாலைக்கு மாற்று வழி சாலை இல்லாத காரணத்தினால் பயணிகள் பெரிதும் அவதிக்கு உள்ளாகிறார்கள்.

    கும்பகோணம் - நாகப்பட்டினம் நெடுஞ்சாலை என்பது இரு பெரும் நகரங்களில் உள்ள பள்ளி, கல்லூரி மற்றும் அலுவலகங்களுக்கு செல்லக்கூடிய பயணிகள், பயணிக்கும் சாலையாக இருப்பதனால் இச்சாலையில் சன்னாநல்லூர் ரெயில்வே கேட்டில் மேம்பாலம் அமைக்கப்பட வேண்டுமென நீண்ட நாள் கோரிக்கையாக இருந்து வருகிறது.

    நாளுக்கு நாள் வாகனங்களின் எண்ணிக்கை அதிகமாகி வரும் நிலையில், இச்சாலையில் வாகனப் போக்குவரத்தில் பெருக்கம் அதிகமாக உள்ள காரணத்தினாலும், காலை மாலை நேரங்களில், ரெயில் போக்குவரத்திற்காக கேட் மூடும் போது பெரும் வாகன நெருக்கடி ஏற்பட்டு பயணிகள் அவதிக்குள்ளாகி வருகிறார்கள்.

    எனவே சன்னாநல்லூர் ரெயில்வே கேட் அருகில், ரயில்வே பாதையை எளிதில் கடக்கும் வகையில் மேம்பாலம் அமைக்கப்பட வேண்டும் என பொதுமக்கள், வாகன ஓட்டிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நீர் பிடிப்பு பகுதியில் பரவலாக மழை பெய்து வருவதால் மீண்டும் மாயாற்றில் வெள்ளப்பெருக்கு ஏற்பட்டுள்ளது.
    • மாயாற்றில் தொங்கு பாலம் அமைத்து தர கோரிக்கை விடுத்து வருகிறோம்.

    சத்தியமங்கலம்:

    ஈரோடு மாவட்டம் சத்தியமங்கலம் அடுத்த அடர்ந்த வனப்பகுதியில் அமைந்துள்ளது தெங்கு–மரஹடா, கள்ளம்பாளையம் மலை கிராமம்.இங்கு100-க்கும் மேற்பட்ட மக்கள் வசித்து வருகின்றனர்.

    இந்த கிராமத்திற்கு செல்ல மாயாற்றை கடந்து தான் செல்ல வேண்டும். இந்த பகுதி மக்கள் தினமும் பரிசல் மூலம் வியாபா–ரத்திற்காக சத்தியமங்கலம், கோத்தகிரி செல்கின்றனர்.

    இதேபோல் விவசாயிகள் தங்களது விளை பொருட்களை விற்பனை செய்வதற்காகவும் பரிசலில் சென்று வருகின்றனர். இங்குள்ள கல்லூரி மாணவர்களும் பரிசல் மூலமே கல்லூரிக்கு சென்று வருகின்றனர்.

    பரிசல் முக்கிய போக்குவரத்தாக இருந்து வருகிறது. ஆனால் மழைக்கா லங்களில் திடீரென மாயா ற்றில் வெள்ளப்பெருக்கு ஏற்பட்டுவிடும். இந்த மாதிரி நேரங்களில் ஆபத்தை உணராமல் மக்கள் பரிசலில் பயணம் செய்து வருகின்றனர்.

    இந்நிலையில் பவானிசாகர் நீர் பிடிப்பு பகுதியான அவலாஞ்சி, பைக்காரா, குன்னூர், அப்பர் பவானி உள்ளிட்ட பகுதிகளில் கடந்த 4 நாட்களாக பரவலாக மழை பெய்து வருவதால். மாயாற்றில் வெள்ளப்பெருக்கு ஏற்பட்டுள்ளது.

    இதேபோல் பைக்காரா அணை நிரம்பியுள்ளதால் உபரி நீர் வெளியேற்றப்பட்டு வருகிறது. இதனால் கூடுதல் நீர் வர வாய்ப்புள்ளதால் நேற்று பரிசல் இயக்க மாவட்ட நிர்வாகம் சார்பில் தடை விதிக்கப்பட்டுள்ளது.

    இதனால் கல்லூரிக்கு மாணவர்கள் செல்ல முடியாமல் அவதி அடைந்தனர். அதேபோல் வியாபாரிகள் விவசாயிகள் வெளியே செல்ல முடியாமல் அவதி அடைந்தனர்.

    இந்நிலையில் இன்று 2-வது நாளாக பரிசல் இயக்க தடை தொடர்ந்து விதிக்கப்பட்டுள்ளதால் இந்த பகுதி சேர்ந்த கல்லூரி மாணவர்கள் இன்றும் கல்லூரிக்கு செல்லவில்லை. இதேபோல் விவசாயிகள் வியாபாரிகள் வெளியில் செல்லாமல் முடங்கிப் போய் உள்ளனர்.

    இது குறித்த அப்பகுதி மக்கள் கூறியதாவது:

    நாங்கள் பரிசில் மூலம் தான் தினமும் பிழைப்பு க்காக வெளியூர் சென்று வருகிறோம். மாயாற்றில் வெள்ளப்பெருக்கு ஏற்படும்போதெல்லாம் பரிசல் இயக்க முடியாத சூழ்நிலை ஏற்படுகிறது.

    சில சமயம் ஆபத்தை பொறுப்பெடுத்தாமல் பிழைப்புக்காக பரிசலில் சென்று வருகிறோம். தற்போது நீர் பிடிப்பு பகுதியில் பரவலாக மழை பெய்து வருவதால் மீண்டும் மாயாற்றில் வெள்ளப்பெருக்கு ஏற்பட்டுள்ளது.

    இதன் காரணமாக மாவட்ட நிர்வாகம் பரிசல் இயக்க தடை விதித்துள்ளது. இன்று 2-வது நாளாக பரிசல் இயக்க முடியவில்லை. இதனால் கல்லூரி மாணவர்கள் இன்றும் கல்லூரிக்கு செல்லவில்லை.

    இதேப்போல் விவசாயிகள் வியாபாரிகளும் வெளியே செல்ல முடியாமல் கிராமத்திலேயே முடங்கி போய் உள்ளனர். அன்றாடம் வெளியே சென்று வருமானம் ஈட்டினால் தான் எங்கள் பிழைப்பு ஓடும். தற்போது 2 நாட்களாக கிராமத்திலேயே முடங்கி இருக்கிறோம்.

    நாங்கள் நீண்ட வருடமாக மாயாற்றில் தொங்கு பாலம் அமைத்து தர கோரிக்கை விடுத்து வருகிறோம். இதற்காக பல்வேறு அதிகாரிகள் சந்தித்து மனு கொடுத்துள்ளோம்.

    ஆனால் இதுவரை அமைக்கப்படவில்லை. இனியாவது அதிகாரிகள் தொங்கு பாலம் அமைக்க நடவடிக்கை எடுக்க வேண்டும். இவ்வாறு அவர்கள் கூறினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அந்தியூர் தாலுகா அலுவலகத்துக்கு ஆதார் திருத்தம் செய்ய பொதுமக்கள் வந்தனர். இந்த சேவை சரியாக செயல்படாததால் அவர்கள் ஆதார் எடுக்க முடியாமல் திரும்பி ஏமாற்றத்துடன் செல்கின்றனர்.
    • இதனை உடனடியாக சரி செய்து ஆதார் எடுக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.

    அந்தியூர், ஆக .7-

    நாடு முழுவதும் அரசு தேவைகளுக்கும முக்கிய அடையாள அட்டையாக பயன்படுத்தக்கூடிய ஆதார் அட்டை ஒவ்வொரு இந்திய குடிமகனின் அடையாள அட்டையாகவும் பயன்படு கிறது.

    அந்த வகையில் எடுக்கப்பட்ட ஆதார் அட்டையில் முகவரி மாற்றம், பெயர் திருத்தம் உள்ளிட்டவை திருத்தங்கள் செய்யவும் புதியதாக ஆதார் எடுப்பவர்களும் எடுத்து வருகிறார்கள். தமிழகத்தில் கடந்த 4 நாட்களாக இந்த சேவை (இணைய தளம்வேலை செய்யாததால்) சரிவர செயல்படவில்லை என கூறப்படுகின்றது.

    இதன் தொடர்ச்சியாக ஈரோடு மாவட்டம் அந்தியூர் தாலுகா அலுவலகத்திற்கு உட்பட்ட அந்தியூர் தவிட்டு பாளையம், வெள்ளை யம்பாளையம், சின்னத்தம்பி பாளையம், சங்கரா பாளையம், அண்ணாமடுவு, அம்மா பேட்டை, நெருஞ்சிப்பேட்டை, அத்தாணி, பர்கூர் உள்ளிட்ட பகுதிகளில் இருந்து தினமும் நூற்றுக்கும் மேற்பட்டோர் ஆதார் அட்டையில் திருத்தங்கள் செய்ய புதியதாக எடுப்பதற்கும் வருகிறார்கள்.

    அந்தியூர் தாலுகா அலுவலகத்துக்கு ஆதார் திருத்தம் செய்ய பொதுமக்கள் வந்தனர். இந்த சேவை சரியாக செயல்படாததால் அவர்கள் ஆதார் எடுக்க முடியாமல் திரும்பி ஏமாற்றத்துடன் செல்கின்றனர்.

    எனவே இதனை உடனடியாக சரி செய்து ஆதார் எடுக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அயோத்தியாப்பட்டணம், வாழப்பாடி, பெத்தநாயக்கன்பாளையம், ஏத்தாப்பூர் பேரூராட்சிகள் சேலம்–-சென்னை தேசிய நெடுஞ்சாலைக்கு அருகில் அமைந்துள்ளன.
    • பெரும்பாலான தனியார் பஸ்கள் புறவழிச்சாலையில் இயக்கப்படுவதும், வாழப்பாடி பகுதி பயணிகளை ஏற்றிச் செல்வதற்கு மறுப்பதும் தொடர்ந்து வருகிறது.

    வாழப்பாடி:

    சேலம் மாவட்டம் அயோத்தியாப் பட்டணம், வாழப்பாடி, பெத்தநாயக்கன்பாளையம், ஏத்தாப்பூர் பேரூராட்சிகள் சேலம்–-சென்னை தேசிய நெடுஞ்சாலைக்கு அருகில் அமைந்துள்ளன. இந்த 4 பேரூராட்சிகளும் அருகிலுள்ள கிராம மக்களின் போக்குவரத்துக்கு முக்கிய மையமாக விளங்கி வருகின்றன.

    சேலம் –ஆத்தூர் வழித்தடத்தில் இயக்கப்படும் பெரும்பாலான தனியார் பஸ்கள், அயோத்தியாப்பட்டணம், வாழப்பாடி, புத்திர–கவுண்டன்பாளையம், பெத்தநாயக்கன்பாளையம் மற்றும் காரிப்பட்டி ஆகிய ஊருக்குள் செல்வதில்லை. சேலம்-சென்னை புறவழிச்சாலையிலேயே இயக்கப்படுகின்றன.

    இதனால், சேலம் மற்றும் ஆத்தூர் பஸ் நிலையங்களில், இப்பகுதியைச் சேர்ந்த பயணி–களை ஏற்ற மறுக்கின்றனர். இதனால், குறித்த நேரத்திற்கு பயணிக்க முடியாமல் இப்பகுதி பொதுமக்கள் அவதிக்குள்ளாகி வருகின்றனர்.

    இந்த பிரச்சினைக்கு தீர்வு காண வாழப்பாடி வட்டாட்சியர், மோட்டார் வாகன ஆய்வாளர், தனியார் பஸ் உரிமையாளர் சங்க நிர்வாகிகள், பொதுமக்கள் ஆகியோரை ஒருங்கிணைத்து 3 ஆண்டுக்கு முன் அமைதிக்குழு கூட்டி பேச்சுவார்த்தை நடத்தப்பட்டது.

    சேலம்-–ஆத்தூர் வழித்தடத்தில் இயக்கப்படும் அனைத்து அரசு மற்றும் தனியார் பஸ்களும் ஊருக்குள் சென்று பயணிகளை ஏற்றி இறக்கி செல்ல நடவடிக்கை எடுப்பதென இக்கூட்டத்தில் முடிவு செய்யப்பட்டது.

    ஆனால், சேலம் மற்றும் ஆத்தூர் பஸ் நிலையங்களில் இருந்து பெரும்பாலான தனியார் பஸ்கள் புறவழிச்சாலையில் இயக்கப்படுவதும், வாழப்பாடி பகுதி பயணிகளை ஏற்றிச் செல்வதற்கு மறுப்பதும் தொடர்ந்து வருகிறது. இதனால், சேலம்– ஆத்தூர் வழித்தடத்திலுள்ள பேரூராட்சிகள் மற்றும் கிராமப்புற பகுதி மக்கள் பெரும் அவதிக்குள்ளாகி வருகின்றனர்.

    எனவே, சேலம் –ஆத்தூர் வழித்தடத்தில் இயக்கப்படும் பஸ்கள் புறவழிச்சாலையில் இயக்கப்படுவதை தடுக்கவும், இந்த வழித்தடத்திலுள்ள அனுமதிக்கப்பட்ட பஸ் நிறுத்தங்களில் நிறுத்தி பயணிகளை ஏற்றிச்–செல்வதற்கும், வருவாய்த்துறை, போக்கு–வரத்துத்துறை, காவல்த்துறை அதிகாரிகள் ஒன்றிணைந்து உரிய நடவடிக்கை எடுக்க வேண்டுமென, இப்பகுதி பொதுமக்களிடையே எதிர்பார்ப்பு ஏற்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடற்கரையில் தொடர்ந்து ஏற்படும் மணல் திட்டுகளால் சுமார் ஒரு கிலோமீட்டர் தூரம் சுற்றி தான்மீன்பிடிக்க செல்கின்றனர்.
    • எனவே தூண்டில் வளைவு அமைக்க உடனடியாக நடவடிக்கை எடுக்க வேண்டும் என மீனவர்கள் விரும்புகின்றனர்.

    உடன்குடி:

    திருச்செந்தூர் வட்டம் உடன்குடி ஒன்றியம் மணப்பாடு கடற்கரை கிராமம் பெரும்பாலான மீனவ மக்கள் வசிக்கும் கிராமம் ஆகும்.

    மலை திட்டுகள்

    இங்குஉள்ள 90சதவீதம் மக்கள் மீன்பிடி தொழிலை நம்பி வாழ்கின்றனர். சுமார் 500 குடும்பத்தினர் இத்தொழிலை நம்பி தான் வாழ்ந்து வருகின்றனர். பெரும்பாலான மீனவர்கள் நாட்டுப்படகுகள், கட்டுமரம் வைத்து தான் மீன்பிடி தொழில் செய்கின்றனர். கடற்கரையில் தொடர்ந்து ஏற்படும் மணல் திட்டுகளால் சுமார் ஒரு கிலோமீட்டர் தூரம் சுற்றி தான்மீன்பிடிக்க செல்கின்றனர். படகுகளை கரைக்கு கொண்டு வர முடியாமல் திண்டாடுகின்றனர்.

    அவதி

    மணல்திட்டால் படகுகளை தள்ளமுடியாமல் மீனவர்கள் கடும் அவதிபடுகின்றனர் ஒருபுறம், மறுபுறம்மீன்களை சுமந்து செல்லும் நிலை‌யில் தவிக்கின்றனர். இவை அனைத்திற்கும் ஒரே தீர்வு தூண்டில் வளைவு மட்டுமே. எனவே தூண்டில் வளைவு அமைக்க உடனடியாக நடவடிக்கை எடுக்க வேண்டும் என மீனவர்கள் விரும்புகின்றனர். கடலில் உருவாகும் மணல் திட்டுகளை ராட்சச எந்திரம் மூலம் அப்புறப்படுத்தி கடற்கரையில் குவியல் குவியலாக குவித்து வைத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இணைப்பு ரெயில்களை பிடிக்க முடியாமல் பயணிகள் அவதிப்படுகின்றனர்.
    • ரெயில் நிலையங்களில் ரெயில்கள் ஒன்றையொன்று இணைப்பு பெற்று பயணிகள் பயன்பெறும் வகையில் இயக்க வேண்டும் என்று பயணிகள் கோரிக்கை விடுத்தனர்.

    மதுரை

    மதுரை, மானாமதுரை ரெயில் நிலையத்தில் இணைப்பு ரெயில்களை பிடிக்க முடியாமல் பயணிகள் அவதிப்படுகின்றனர்.

    ராமேசுவரத்திலிருந்து காலை 5.30 மணிக்கு புறப்பட்டு மதுரை வரும் பயணிகள் ரெயிலில் சிவகங்கை, தேவகோட்டை, காரைக்குடி செல்ல பயணிகள் வருகின்றனர்.

    இவர்கள் மானாமதுரை ரெயில் நிலையத்தில் இறங்கி அங்கிருந்து மன்னார்குடி செல்லும் டெமு ரெயிலில் பயணம் செய்வார்கள்.

    ராமேசுவரம்-மதுரை ரெயில் மானாமதுரை வருவதற்கு முன்பாக மன்னார்குடி செல்லும் ரெயில் புறப்பட்டு விடுவதாக பயணிகள் புகார் தெரிவித்தனர்.

    அதே போல் ராமேசுவரம்-மதுரை பயணிகள் ரெயிலில் வரும் பயணிகள் மதுரையில் இறங்கி திருச்சி-திருவனந்தபுரம் இன்டர்சிட்டி எக்ஸ்பிரஸ் ரெயிலில் பயணம் செய்வார்கள்.

    ராமேசுவரம்-மதுரை ரெயில் வருவதற்கு முன்பாக இன்டர்சிட்டி எக்ஸ்பிரஸ் ரெயில் புறப்பட்டு விடுவதாக பயணிகள் புகார் தெரிவித்தனர்.

    மதுரை ரெயில்வே கோட்டத்தில் மானாமதுரை, மதுரை சந்திப்பு ரெயில் நிலையங்களில் ரெயில்கள் ஒன்றையொன்று இணைப்பு பெற்று பயணிகள் பயன்பெறும் வகையில் இயக்க வேண்டும் என்று பயணிகள் கோரிக்கை விடுத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo